Sámi dearvvašvuođakonferánsa duohtavuođa ja soabadallama birra
SÁNAG, Sámi Klinihkka bovde ovttas Sámi doaktáriid servviin ja UiT Norgga árktalaš universitehta Sámi dearvvašvuođadutkama guovddážiin Sámi dearvvašvuođakonferánsii man fáddán lea Duohtavuođa- ja soabahankommišuvnna raportta čuovvolanbargu.
Mii sávvat bures boahtima Romsii geassemánu 5. ja 6. beivviid.
Mii bovdet guovtti beaivvi konferánsii gos fállat miellagiddevaš prográmma. Dán jagi ávvuda sihke SÁNAG (MNP) ja Sámi doaktáriid searvi 40 jagi ja dan oktavuođas oahpásmuvvat guktot historjjáide konferánssa álgobeaivvi.
Ulbmiljovkui gullet dearvvašvuođabargit, dearvvašvuođasuorggi jođiheaddjit, dutkit, politihkkárat ja eará berošteaddjit. Mii sávvat bures boahtima našunála konferánsii mas lea ulbmilin movttiidahttit bargat Duohtavuođa- ja soabahankommišuvnna raportta dearvvašvuođasuorggi árvaluvvon doaibmabijuiguin.
Fáddán lea dáruiduhttinpolitihka váikkuhusat sápmelaččaid ja sámiid dearvvašvuođabálvalusaid ektui. Mo sáhttit nannet dearvvašvuođabálvalusaid sámi árvvuid, prinsihpaid ja rivttiid vuođul, ja mo sáhttit nannet dearvvašvuođasuorggi ovttasbarggu rájáid rastá?
Konferánssas suokkardallat gáibida go soabahallanbargu ahte ovdánahttit ja nannet sámi dearvvašvuođabálvalusaid sihke našunálalaččat ja riikkaidgaskasaččat. Mii jearrat maid lea go áigi láddán ásahit álgoálbmotguovddáža?
Praktihkalaš dieđut:
Čujuhus: UiT Norgga árktalaš universitehta. Medisiidna- ja dearvvašvuođavistti, Cerebrum auditoria. Hansine Hansens veg 74, 9019 Romsa.
Oasseváldit dahje oasseváldiid bargoaddi gokčet johtima ja orruma.
Jus dus leat gažaldagat, de váldde oktavuođa SÁNAG DjO jođiheddjiin Anne Toril E. Baltoin e-poastta bokte: anne.toril.eriksen.balto@finnmarkssykehuset.no dahje DjO oktasaš e-poastta bokte: SANKS-FoU@finnmarkssykehuset.no
Sámi dearvvašvuođakonferánssa ruhtadit Davvi Dearvvašvuohta, Sámediggi ja SÁNAG DjO ruhtadoarjja.