Hei, du må oppdatere nettleseren din for å kunne besøke oss.

Fysikála medisiinna ja veajuiduhttin seaŋgaovttadat, Girkonjárga

Fysikála medisiinna ja veajuiduhttin (FMR) lea jándorovttadat gos leat ovcci seaŋgga. Ulbmiljoavku lea rávisolbmot geain lea vuoiŋŋaščaskkástat dahje vigit maŋŋel oaive- ja čielgeađavahágahttimiid ja dárbbašit fágaidrasttildeaddji veahki.

Min barggut leat

  • Kártet pasieantta fysalaš, kognitiiva, psyhkalaš ja sosiála dilálašvuođa
  • Diagnostiseret
  • Dikšut
  • Bidjat johtui fágaidrasttildeaddji veajuiduhttindoaimmaid

Iešguđetlágan sisačáliheamit/orrumat:

Guorahallanorrun

Oanehis orrunáigi, gitta guokte vahkku. Guorahallat dihto áššiid/čuolmmaid ja/dahje árvvoštallat veajuiduhttinvejolašvuođaid.  

Veajuiduhttinorrun

Orrun gaskal njeallje ja gávcci vahku, vuolgá das makkár dilis lea sáhka.  Dát lea veajuiduhttin árrat maŋŋel go lea vaháguvvon. Dávjá deattuhuvvo ahte galgá ođđasit hárjehallat funkšuvnnaid.

Veajuiduhttinorrun guhkes áiggi maŋŋel vaháguvvama

Orrunáigodat gitta njeallje vahku,  vuolgá das makkár dilis lea sáhka. Dát lea veajuiduhttin guhkit áiggi maŋŋel vaháguvvama (vejolaččat jagiid). Pasieanta lea eallán vigiin muhtun áiggi, ja háliida veahki vai sáhttá searvat dihto doaimmaide/ dahje doalahit/álggahit fas ovddeš rollaid.

Ohcan/čujuheapmi

Čujuheapmi ferte boahtit doaktáris.

Ohcamušat sáddejuvvojit ossodaga oktasaš sisaváldinjovkui.

 

Oktavuohta

Sentralbord

Følg talemenyen for å komme til rett avdeling.

Boastačujuhus

Finnmarkssykehuset

Kirkenes sykehus FMR – Fysikalsk medisin og rehabilitering

Postboks 410

9915 Kirkenes

E-boastta

rehab@finnmarkssykehuset.no

Ná gávnnat gosa galggat

Boahtinbáiki

Jándorovttadat lea 3. gearddis C soajis.

Girkonjárgga buohcceviessu

Skytterhusveien 2

9900 Kirkenes

Oza

Geavatlaš dieđut

Pasieanttain geain lea šiehtadus dahje geat sisačálihuvvojit Davvi Dearvvašvuođa buohcceviesuide/klnihkaide lea riekti geavahit davvisámegielat dulkka geat leat olámuttos árgabeivviid diibmu 08.00–22.00.

Sámi dulkonbálvalus