Fysioterapiija, ergoterapiija ja biebman, Girkonjárga

Dikšu addo medisiinnalaš, kirurgiija/ortopediija ja riegádahttin/gynekologiija, akuhttamedisiinna ja veajuiduhttin ossodagaid pasieanttaide.

Fysio- ja ergoterapevttain leat lanjat 3. gearddis, klinihkalaš biembofysiologat leat ges 2. gearddis (váldogearddis). Min dikšolanjat leat heivehuvvon eanas hárjehallamiidda, doppe lea sihke vázzinmillu, eará hárjehallanrusttegat ja vejolašvuohta čađahit kognitiiva geahččalemiid ja maiddái hárjehallangievkkan.

Terapevttaid barggut leat iskat ja dikšut pasieanttaid, árvvoštallat dárbbu veahkkeneavvuide- ja dáid heiveheapmái, addit dieđuid ja bagadallat pasieanttaid ja oapmahaččaid, oahpahit studeanttaid ja eará dearvvašvuođabargiid, ja bargat eará fágaovdánahtti bargguid.

Ovttadagas lea lagas fágaidrasttideaddji ovttasbargu doaktáriiguin, divššáriiguin ja buohcceviesu eará dearvvašvuođabargiiguin. Terapevttat čađahit maid oahpahusa pasieanttaide ja oapmahaččaide Oahppan- ja hálddašanguovddážis. 

Mii fállat vuosttažettiin dikšofálaldagaid čuovvovaš ulbmiljoavkkuide:

• Vuoiŋŋaščaskkástat ja eará neurologalaš vigit
• Traumáhtalaš oaivevahágat
• Váibmo- ja varrasuotnadávddat
• Geahppesdávddat
• Demeansa
• Borasdávda
• Lymfabohtaneamit
• Duođalaš buohccit ja jápminseaŋgabuohccit
• Njuoratmánát ja eatnit
• Ortopedalaš ja kirurgalaš pasieanttat
• Deahkke- ja lahttovigit
• Intensiivapasieanttat

Ergoterapevtta doaimmat: 

• • Kártet ja hárjehahttit kognitiiva doaimmaid
  • Hábmet ja heivehit álkit veahkkeneavvuid ja giehtahárjehallanprográmmaid, sihke sisačálihuvvon ja poliklinihkalaš pasieanttaide.
  • Árgabeaidoaimmaid kárten ja hárjehallan.
  • Ruovttudili kárten ja ergonomalaš heiveheapmi.
  • Diŋgot, heivehit ja oahpahit atnet veahkkeneavvuid.

Fysioterapevtta doaimmat:

• Iskat ja dikšut pasieanttain geain lea vuoiŋŋaščaskkástat, oaivevihki, Parkinson dávda, MS ja eará neurologalaš vigit.
• Iskkan ja dikšun maŋŋel čibbe- ja spiraloperašuvnna.
• Diehtojuohkin ja hárjehahttin pasieanttaide geain lea váibmodohppehat dahje leat váibmooperašuvnnas leamašan.
•  
• Dieđut njuoratmánná- ja riegádahttináiggi birra.
• Dikšut njuoratmánáid geain lea šlubbojuolgi, torticollis ja plexus brachialivahát.
• Borasdávdi guoski bagadallan, bávččasváidudeaddjidikšu ja lymfaødemdikšu.
• Intensiivaovttadaga pasieanttaid mobiliseret ja hárjehahttit.
• Palliatiiva dikšu.

Klinihkalaš biebmofysiologa doaimmat:

• Iskkadeapmi, diagnosabidjan ja bagadallat mo eastadit ja dikšut borrandábiide guoskevaš dávddaid ja dilálašvuođaid mat earret eará váikkuhit goruda ávnnasmolsumii ja biebmoávnnasdárbbuide.
• Kártet ja árvvoštallat pasieantta dárbbuid su buozalmasvuođahistorjjá, allodaga, deattu ja varraiskosiid vuođul.
• Rávvet ja evttohit divššu, ovdamearkka dihte heivehit borrandábiid, álgit earenoamášborramuša borrat, biebmoávnnasjuhkamušaid juhkat dahje oažžut biebmama njuolga varrasutnii.
• Dikšut pasieanttaid geain leat dávddat dahje dilálašvuođat mat čatnasit borramušdábiide dahje biebmamii.
• Ráhkadit borramušplánaid ja sondeplánaid.
• Oahpahit pasieanttaid ja sin oapmahaččaid.

Giehtaváttuid poliklinihkka

Mii fállat fágaidrasttildeaddji iskkadeami pasieanttaide geain leat iešguđetlágan giehtaváttut. Ulbmiljoavkkus leat eanas pasieanttat geat lea čujuhuvvon kirurgalaš dahje medisiinnalaš poliklinihkkii, ja geain leat vahágat dahje bákčasat gieđas.

Fálaldagas lea mielde diehtojuohkin, ergoterapevttalaš iskkadeapmi ja dikšu. Váldomihttun lea earenomáš čuovvolemiin veahkehit pasieanta buorebut nákcet ieš hárjehallat ja eastadit komplikašuvnnaid.

Lymfaødemapoliklinihkka

Mii fállat iskkadeami ja divššu pasieanttaide geain lea lymfaødem ja maiddái earálágan ødemiid dikšuma. Mihttomearrin lea ahte pasieanta galgá máhttit eallit lymfaødemiin nu iešheanalaččat go vejolaš. Mihttun lea nannet birgehallannávccaid ja lasihit dahje doalahit aktivitehtadási, ja addit pasientii buriid dieđuid ja ipmárdusa iežas váttuid birra. Girkonjárgga klinihka čuovvoleamis lea guovddážis guorahallan, diehtojuohkin, ovttasbargu guoskevaš gielddain ja intensiivadikšu ollislaš fysikálalaš lymfaødemdivššu (KFL) prinsihpaid vuođul.