Hei, du må oppdatere nettleseren din for å kunne besøke oss.

Finnmárkku habiliterenbálvalusa rávisolbmuide (HAVO)

Habiliteren lea máŋggabealat fágasuorgi mii lea lahka eará spesialistadearvvašvuođabálvalusa fágasurggiid. HAVO guorahallá ja dikšu pasieanttaid geat leat boarráset go 18 jagi ja geain leat kompleaksa ja máŋggabealat doaimmashehttejumit juogo riegádeame rájes dahje maid lea árrat ožžon.

HAVO lea fágaidrasttideaddji joavku mas leat mielde suodjalandivššárat, pedagogat, fysioterapevta, ergoterapevta, mánáidsuodjaluspedagoga, sexologa, sámi ráđđeaddi, doavttir ja neuropsykologa.

Ulbmiljoavku

Olbmot geain lea riegádeame rájes vihki dahje geat leat nuorran ožžon vigi mii mielddisbuktá máŋggabealat hástalusaid dahje doaibmaváttuid mat dárbbašit spesialiserejuvvon habiliterema. Olbmos sáhttá leat kognitiiva doaibmahehttejupmi (doaimmashehttejupmi) ja/dahje ollislaš ovdánanhehttehusat, autisma dahje iešguđetlágan syndromat.  Muhtun olbmuin ulbmiljoavkkus eai leat kognitiiva váillit, muhto eará kompleaksa dilálašvuođat mat mielddisbuktet duođalaš ja máŋggabealat váttuid.

Bargu ovttaskasáššiiguin sáhttá leat:

  • Guorahallan
  • Diagnostiseren
  • Plánet ja bidjat johtui spesialiserejuvvon habiliterema
  • Giella ja gulahallan
  • Demeansa go lea doaimmashehttejupmi
  • Láhttenváttut go lea doaimmashehttejupmi ja autisma

Guorahallan sáhttá earret eará leat neuropsykologalaš iskkadeapmi, somáhtalaš iskkadeapmi, praktihkalaš dáidduid kárten ja jearahallamat pasieanttain, oapmahaččaiguin ja lagasolbmuiguin. Dát dáhpáhuvvá dábálepmosit doppe gos pasieanta orru su ruovttusuohkanis, muhto sáhttá maid čađahuvvot poliklinihkalaččat.

Árvvoštallan/veahkki dearvvašvuođa- ja fuolahusbálvaluslága 9. kapihttala mielde lea dehálaš oassi bargobargguin.

Bagadallan/čuovvoleapmi

Guorahallama bohtosat ovdanbuktojuvvojit (soahpama mielde) njálmmálaččat olbmui alccesis ja guoskevaš ovttasbargoguimmiide/lagasolbmuide ja oapmahaččaide. Čálalaš máhcahat sáddejuvvo álo dasa gii lea čujuhan pasieanta. Rávvagat ja bagadusat addojuvvojit dan vuođul maid guorahallan čájeha.  Dát sáhttá addit rievttabut divššu/doaibmabijuid sihke olbmui alccesis, heiveheapmái ja birasbargui. Dárbbuid ja áigeguovdilis váttisvuođaid vuođul sáhttit mii bagadallat lagasolbmuid, čađahit doarjjaságastallamiid pasieanttain, searvat ovddasvástádusjovkui, searvat individuála plána ráhkadeapmái, rávvet eará guoskevaš instánssaid, oahpahit ja eará.

Habiliterenbálvalus fállá kurssaid nannet suohkaniid gelbbolašvuođa habiliterema birra.

 

Čujuhanrutiinnat HAVO:i

Oktavuohta

Telefovdna

Sentralbord Finnmarkssykehuset

78 96 70 00

For spørsmål rundt din time eller innkalling

Habiliteringstjenesten

78 96 71 03

Boastačujuhus

Finnmarkssykehuset

Kirkenes sykehus Voksenhabiliteringen

Postboks 410

9915 Kirkenes

Ná deaivvat gosa galggat

Boahtinbáiki

Rávisolbmuid habiliterenbálvalus lea 3. gearddis D3 lulli soajis.

Girkonjárgga buohcceviessu

Skytterhusveien 2

9900 Kirkenes

Oza

​Pasieanttaide ja gussiide lea nuvttá guođđit biilla guođáhahkii njuolga olggobealde buohcciviesu váldouvssa.

Bussevuordinsadji lea njuolga váldouvssa olggobealde.

 

Váldonjuolggadusa mielde gokčojuvvo pasieantamátki dikšobáikái hálbbimus ruvttosáhtuin.

Eanet Finnmárkku Pasieantamátkkoštemiid birra

Geavatlaš dieđut

Leat guokte apotehka Girkonjárggas, okta gávpotguovddážis, ja okta Kirkenes Handelspark gávpeguovddážis.

Lea kantiidna gurutbeale váldouvssa. Doppe fidnet oastit juoga borran láhkai ja dábálaš kioskagálvvuid. Doppe lea kaféabeavdi ja stuolut gosa sáhtát čohkkedit boradit, jugistit káfe dahje lohkat aviissaid. Doppe lea maid automáhta mas sáhttá oasttit borramuša ja juhkamuša go kantiidna ii leat rabas.

Rahpanáiggit

10:30 – 15:30   vuossárggas bearjadahkii

Vuosttaš gearddis, bargiuskkádaga luhtte gávnnat buohcceviesu neutrála eallinoaidnu seremoniijalanja. Dán lanja sáhttet pasieanttat, oapmahaččat ja bargit geavahit beroškeahttá makkár eallinoaidnu dahje osku sis lea. Deike leat álo bures boahttin, beasat gávdnat ráfi. Buohkat sáhttet geavahit lanja.

Bildet viser sykehusplan 1, 2 og 3 på Kirkenes sykehus

​


Resepšuvdna lea olgešguvlui áiddo siskkobealde váldouvssa.

Resepšuvnna rahpanáiggit

Vuossárggas duorastahkii
07:30 – 16:00

Bearjadaga:

07:30 – 15:30.  


Jus don háliidat hállat davvisámegiela divššu dahje iskkadeami oktavuođas, de mii geavahat áinnas iežamet sámegielat dulkka. Eambbo dieđuid gávnnat dáppe: dulkonbálvalus

Du kan koble deg på trådløst nettverk på alle Finnmarkssykehusets behandlingssteder.

Nettverksnavn: HN-GJEST

Du trenger ikke oppgi passord

​Váktaortnet- čuorvvuhit báhpa

Mátta-Várjjaga báhpabálvalusas lea váktaortnet gos bargit Girkonjárgga buohcciviesus sáhttet riŋget báhppii, jos muhtin pasieanttas dahje oapmahaččas lea dárbu.

Báhpabálvalus sáhttá fállat:

  • Siellodivššu ja ságastallama
  •  Eahkedismállása
  • Gásta

Ja vel sierra liturgiijaid/ rohkosiid jápmima oktavuođas.

Telefovnna bokte dáhkko šiehtadus báhpain gosa ja goas guoskevaš galgá boahtit. Dábálaččat háliidat mii boahtit buohccevissui. Mii vuoruhat fálaldagaid maid ii sáhte maŋidit.

Telefovdnanummar maid sáhttá geavahit: 78 97 75 70 (searvegoddekantuvra sáhttá geavahit bargoáiggis- dii. 09.00-15.00) 413 74 234 (njuolgga báhppii) "


Buohcciviesus leat máŋga vuogas vuordinlanja. Jeara bargiin gos lagamus vuordinlatnja lea.