Váldit CT vuovddas

Muhtun iskkademiide ferte ruovttus ráhkkanit. Dárkilis dieđut iskkadeami ráhkkaneapmái sáddejuvvojit dutnje gohččuma mielde dahje oaččut daid ossodagas go áigi šihttojuvvo. Atte dieđu čujuheaddji doaktárii jus dus lea alla ávnnasmolsašupmi, dahje jus ovdal leat reageren kontrástaávdnasii ja reakšuvdna lea gáibidan dálkkodeame. 

Dábálaččat ii váldo CT-iskkadeapmi áhpehis nissonolbmuin. Jus leat áhpeheapme, de fertet addit dieđu čujuheaddji doaktárii. 

Njamaheapmi

Kontrástaávnnas manná hui unnán čižžemielkái, ja don sáhtát čađahit CT-iskkadeami vaikko njamahat. 

Ráhkkaneapmi buohcciviesus

Metálladiŋggat nugo boalut, luottolásat, boahkánat, ja sullasaččat galget váldot eret dakko gokko iskkadeapmi dahkko. Dat lea sihkkarasten dihte buriid govaid. 

Jus galggat váldit CT čoavjjis dahje vuollenjárččás, de ferte eanas háviid ovdal iskkadeami juhkat čázi dahje čázi masa lea biddjon kontrástagolggus.

CT-iskkadeapmi mas kontrástaávnnas biddjo njuolga varrii  

Muhtomin fertet bidjat kontrástaávdnasa njuolga varrasutnii, muhto dat vuolgá das mii govain galgá gehččojuvvot. 

Jus dutnje galgá biddjot kontrástaávnnas varrii, de biddjo plastihkkarevre varrasutnii. Dus jerret ovdagihtii leat go ovdal reageren kontrástaávdnasii, ja eará riskabeliid birra.  

Mot iskkadeapmi čađahuvvo vuolgá das mii galgá iskojuvvot.

Dábálaččat bistá iskkadeapmi 10 – 30 minuhta. Govvaváldin váldá dušše moadde minuhta.  

Iskkadeapmi čađahettiin veallát don beaŋkka alde mas lea mohtor, mii jođiha du CT-mašiidnii. Beaŋkka lihkada dan botta go govve. Govvakvalitehta dáfus lea  deaŧalaš ahte čađat veallát áibbas jaska. Muhtin iskkademiid čađahettiin gožžot du doallat vuoiŋŋahaga moadde sekundda dan botta go govvejit. Dat lea danin vuoi eai šatta dárbbašmeahttun lihkastagat geahppáid ja čoavjji bokte. Iskkadeapmi ii bávččat. 

Govvenbottu mannet bargit olggos iskkadanlanjas. Sii áicet du láse čađa ja gulahallet duinna  mašiinna mikrofuvnna bokte.

CT-iskkadeapmi mas kontrástaávnnas biddjo njuolga varrii  

Go kontrástaávnnas manná rupmaša orgánaid čađa, de govvejuvvojit olu govat jođánit dain iešguđet orgánain. Go bidjet kontrástaávdnasa, de lea dábálaš dovdat liekkisteami rupmašis, muhto dát dovdu manná jođánit badjel.

Go kontrástaávnnas lea biddjon njuolga varrii, de bivdit du vuordit ossodagas 30 minuhta maŋŋelii go ožžot kontrástaávdnasa.  Mii váldit dálkkasnálu eret varrasuonas maŋŋel vuordináiggi.

Iskkadeami bohtosat  

Røntgendoavttir (váldodoavttir) dutká govaid, ja son čállá raportta gávdnosiid birra maid oaidná govain. Raporta sáddejuvvo dan doaktárii gii čujuhii du. Govat ja raporta vurkejuvvojit min dihtorvuogádahkii.