Hei, du må oppdatere nettleseren din for å kunne besøke oss.

Habiliteringstjenesten for voksne i Finnmark (HAVO)

Habiliteren lea máŋggabealat fágasuorgi mii lea lahka eará spesialistadearvvašvuođabálvalusa fágasurggiid. HAVO guorahallá ja dikšu pasieanttaid geat leat boarráset go 18 jagi ja geain leat kompleaksa ja máŋggabealat doaimmashehttejumit juogo riegádeame rájes dahje maid lea árrat ožžon.

HAVO lea fágaidrasttideaddji joavku mas leat mielde suodjalandivššárat, pedagogat, fysioterapevta, ergoterapevta, mánáidsuodjaluspedagoga, sexologa, sámi ráđđeaddi, doavttir ja neuropsykologa.

Ulbmiljoavku

Olbmot geain lea riegádeame rájes vihki dahje geat leat nuorran ožžon vigi mii mielddisbuktá máŋggabealat hástalusaid dahje doaibmaváttuid mat dárbbašit spesialiserejuvvon habiliterema. Olbmos sáhttá leat kognitiiva doaibmahehttejupmi (doaimmashehttejupmi) ja/dahje ollislaš ovdánanhehttehusat, autisma dahje iešguđetlágan syndromat.  Muhtun olbmuin ulbmiljoavkkus eai leat kognitiiva váillit, muhto eará kompleaksa dilálašvuođat mat mielddisbuktet duođalaš ja máŋggabealat váttuid.

Bargu ovttaskasáššiin sáhttá leat:

  • Guorahallan
  • Diagnostiseren
  • Plánet ja bidjat johtui spesialiserejuvvon habiliterema
  • Giella ja gulahallan
  • Demeansa go lea doaimmashehttejupmi
  • Láhttenváttut go lea doaimmashehttejupmi ja autisma

Guorahallan sáhttá earret eará leat neuropsykologalaš iskkadeapmi, somáhtalaš iskkadeapmi, praktihkalaš dáidduid kárten ja jearahallamat pasieanttain, oapmahaččaiguin ja lagasolbmuiguin. Dát dáhpáhuvvá dábálepmosit doppe gos pasieanta orru su ruovttusuohkanis, muhto sáhttá maid čađahuvvot poliklinihkalaččat.

Árvvoštallan/veahkki dearvvašvuođa- ja fuolahusbálvaluslága 9. kapihttala mielde lea dehálaš oassi bargobargguin.

Bagadallan/čuovvoleapmi

Guorahallama bohtosat ovdanbuktojuvvojit (soahpama mielde) njálmmálaččat olbmui alccesis ja guoskevaš ovttasbargoguimmiide/lagasolbmuide ja oapmahaččaide. Čálalaš máhcahat sáddejuvvo álo dasa gii lea čujuhan pasieanta. Rávvagat ja bagadusat addojuvvojit dan vuođul maid guorahallan čájeha.  Dát sáhttá addit rievttabut divššu/doaibmabijuid sihke olbmui alccesis, heiveheapmái ja birasbargui. Dárbbuid ja áigeguovdilis váttisvuođaid vuođul sáhttit mii bagadallat lagasolbmuid, čađahit doarjjaságastallamiid pasieanttain, searvat ovddasvástádusjovkui, searvat individuála plána ráhkadeapmái, rávvet eará guoskevaš instánssaid, oahpahit ja eará.

Habiliterenbálvalus fállá kurssaid nannet suohkaniid gelbbolašvuođa habiliterema birra  

Čujuhanrutiinnat HAVO:i

Nasjonalt kompetansemiljø for utviklingshemming

Nettverk funksjonshemmet seksualitet samliv

Stiftelsen SOR

Oktavuohta

Telefovdna

Sentralbord Finnmarkssykehuset

78 96 70 00

For spørsmål rundt din time eller innkalling

Habiliteringstjenesten

78 96 71 03

Boastačujuhus

Finnmarkssykehuset

Kirkenes sykehus Voksenhabiliteringen

Postboks 410

9915 Kirkenes

Ná deaivvat gosa galggat

Boahtinbáiki

Rávisolbmuid habiliterenbálvalus lea 3. gearddis D3 lulli soajis.

En stor bygning ved siden av en vannmasse

Girkonjárgga buohcceviessu

Skytterhusveien 2

9900 Kirkenes

Oza

Girkonjárgga buohcceviesu biilaguođáhagas maid guossit ja pasieanttat sáhttet geavahit lea sadji 226 biilii. Gávcci saji leat várrejuvvon doaimmashehttejuvvon olbmuide. Dasa lassin sáhttet varraaddit ja pasieantaverddet nuvttá guođđit biilla biilaguođáhahkii. Biilaguođáhatmáksu gusto guovddášáiggi 08.00-14.00. Vahkkoloahpaid lea nuvttá guođđit biilla biilaguođáhahkii. 

Sáhtát máksit juogo áppain (Easypark) dahje automáhtas (dás čálát biilla registrerennummara, ja biila registrerejuvvo digitálalaččat. It dárbbaš váldit bileahta ruovttoluotta biilii).

.

Biilaguođáhatmávssut leat ná: 

  • Registrerejuvvon bisáneapmi gitta 1 beaivvi: 25,-
  • Registrerejuvvon bisáneapmi 1 vahku (5 beaivvi):100,-
  • Registrerejuvvon bisáneapmi 1 mánu: 350,-

Bussevuordinsadji lea njuolga váldouvssa olggobealde.

Snelandia mátkeplánejeaddjis (reiseplanlegger) oainnát ođasmahttojuvvon áiggiid.  

Geavatlaš dieđut

Girkonjárggas leat guokte apotehka, okta gávpotguovddážis, ja okta Kirkenes Handelspark gávpeguovddážis.

Don sáhtát geavahit min áibmofierpmádaga buot Finnmárkku buohcceviesu dikšobáikkiin.

Fierpmádaga namma: HN-GJEST

Don it dárbbaš čállit beassansáni.

Váktaortnet- gohččut báhpa

Mátta-Várjjaga báhppabálvalusas lea váktaortnet ja Girkonjárgga buohcceviesu bargit sáhttet riŋget báhppii jus pasieanttat dahje oapmahaččat háliidit báhpain oktavuođa.

Ovdamearkkat maid báhppabálvalus sáhttá fállat:

  • Vuoiŋŋalaš fuolaheapmi ja ságastallama
  • Eahkedismállásiid
  • Gásttašeapmi
  • Dasa lassin vel sierra liturgiijaid/ rohkosiid eallima loahpas

Telefovnna bokte šiehtaduvvo báhpain gosa ja goas son galgá boahtit. Dábálaččat boahtit mii buohccevissui nu jođánit go vejolaš. Mii vuoruhat álo galledemiid maid ii sáhte maŋidit.

Telefovdnanummarat maid galgá geavahit: 

78 97 75 70 (searvegoddekantuvrra nummár ja dan sáhttá geavahit bargoáiggis- dii. 09.00-15.00)

413 74 234 (njuolggonummar báhppii)

 

Vuosttaš gearddis, bargiidboađáhaga buohta lea buohcceviesu eallinoaidnoneutrála seremoniijalatnja.  Dán lanja sáhttet pasieanttat, oapmahaččat ja bargit geavahit beroškeahttá makkár eallinoaidnu dahje osku sis lea. Deike leat álo bures boahtin, gávdnat jurddašan- ja reflekterenráfi.  Latnja lea rabas buohkaide.

Lea kantiidna gurutbeale váldouvssa. Doppe fidnet oastit beaiveborramuša ja dábálaš kioskagálvvuid. Doppe leat kaféabeavddit ja stuolut ja sáhtát čohkkedit boradit ja jugistit káfe. Doppe lea maid automáhta mas sáhttá oastit borramuša ja juhkamuša go kantiidna ii leat rabas.

Rabasáiggit

10:30 – 14:30   vuossárggas bearjadahkii

 

Bildet viser sykehusplan 1, 2 og 3 på Kirkenes sykehus

 

Dát govas oaidná Girkonjárgga buohcceviesu 1., 2. ja 3. gearddi.

Buohcciviesus leat máŋga vuogas vuordinlanja. Jeara bargiin gos lagamus vuordinlatnja lea. 

Vuostáiváldin/Resepšuvdna lea olgeš bealde go boađát sisa váldoboađáhaga. 

Resepšuvnna rabasáiggit

Vuossárggas bearjadahkii
07:30 – 16:00