Hei, du må oppdatere nettleseren din for å kunne besøke oss.

Veajuiduhttima ja habiliterema sisaváldinjoavku

Oktasaš sisaváldinjoavku meannuda buot čujuhemiid mat bohtet Rávisolbmuid habiliterenbálvalussii, Johtti veajuiduhttinjovkui ja jándorovttadahkii.

Čujuhemiid galgá doavttir vuolláičállán, ovdamearkka dihte fástadoavttir dahje buohcceviesu doavttir. Sisaváldinjoavkkus leat mielde doavttir, ovttadatjođiheaddjit, psykologa ja kánturfágalaš ovddasvástideaddji. Mii dábálaččat meannudit čujuhusaid juohke maŋŋebárgga.

Dili, sávaldagaid ja dárbbuid vuođul, nu go dat bohtet ovdan čujuhusas, de áigu vuostáiváldinjoavku fágalaččat ja resurssaid vuođul árvvoštallat, ja fállat daid bálvalusaid mat orrot eanemus heivvolaččat dutnje. Jus lea eahpečielggas man vuođul ohcá dahje lea váilevaččat čilgejuvvon, de mii fertet viežžat eanet dieđuid ovdal go sáhttit árvvoštallat ohcama.

Čujuheamit sáddejuvvojit elektrovnnalaččat dahje poastta mielde ovttadaga poastačujuhussii.

Oktavuohta

Boastačujuhus

Finnmarkssykehuset

Kirkenes sykehusInntaksteam, Avdeling for ReHabilitering

Postboks 410

9915 Kirkenes

Ná deaivvat gosa galggat

En stor bygning ved siden av en vannmasse

Girkonjárgga buohcceviessu

Skytterhusveien 2

9900 Kirkenes

Oza

Girkonjárgga buohcceviesu biilaguođáhagas maid guossit ja pasieanttat sáhttet geavahit lea sadji 226 biilii. Gávcci saji leat várrejuvvon doaimmashehttejuvvon olbmuide. Dasa lassin sáhttet varraaddit ja pasieantaverddet nuvttá guođđit biilla biilaguođáhahkii. Biilaguođáhatmáksu gusto guovddášáiggi 08.00-14.00. Vahkkoloahpaid lea nuvttá guođđit biilla biilaguođáhahkii. 

Sáhtát máksit juogo áppain (Easypark) dahje automáhtas (dás čálát biilla registrerennummara, ja biila registrerejuvvo digitálalaččat. It dárbbaš váldit bileahta ruovttoluotta biilii).

.

Biilaguođáhatmávssut leat ná: 

  • Registrerejuvvon bisáneapmi gitta 1 beaivvi: 25,-
  • Registrerejuvvon bisáneapmi 1 vahku (5 beaivvi):100,-
  • Registrerejuvvon bisáneapmi 1 mánu: 350,-

Bussevuordinsadji lea njuolga váldouvssa olggobealde.

Snelandia mátkeplánejeaddjis (reiseplanlegger) oainnát ođasmahttojuvvon áiggiid.  

Geavatlaš dieđut

Girkonjárggas leat guokte apotehka, okta gávpotguovddážis, ja okta Kirkenes Handelspark gávpeguovddážis.

Don sáhtát geavahit min áibmofierpmádaga buot Finnmárkku buohcceviesu dikšobáikkiin.

Fierpmádaga namma: HN-GJEST

Don it dárbbaš čállit beassansáni.

Váktaortnet- gohččut báhpa

Mátta-Várjjaga báhppabálvalusas lea váktaortnet ja Girkonjárgga buohcceviesu bargit sáhttet riŋget báhppii jus pasieanttat dahje oapmahaččat háliidit báhpain oktavuođa.

Ovdamearkkat maid báhppabálvalus sáhttá fállat:

  • Vuoiŋŋalaš fuolaheapmi ja ságastallama
  • Eahkedismállásiid
  • Gásttašeapmi
  • Dasa lassin vel sierra liturgiijaid/ rohkosiid eallima loahpas

Telefovnna bokte šiehtaduvvo báhpain gosa ja goas son galgá boahtit. Dábálaččat boahtit mii buohccevissui nu jođánit go vejolaš. Mii vuoruhat álo galledemiid maid ii sáhte maŋidit.

Telefovdnanummarat maid galgá geavahit: 

78 97 75 70 (searvegoddekantuvrra nummár ja dan sáhttá geavahit bargoáiggis- dii. 09.00-15.00)

413 74 234 (njuolggonummar báhppii)

 

Vuosttaš gearddis, bargiidboađáhaga buohta lea buohcceviesu eallinoaidnoneutrála seremoniijalatnja.  Dán lanja sáhttet pasieanttat, oapmahaččat ja bargit geavahit beroškeahttá makkár eallinoaidnu dahje osku sis lea. Deike leat álo bures boahtin, gávdnat jurddašan- ja reflekterenráfi.  Latnja lea rabas buohkaide.

Lea kantiidna gurutbeale váldouvssa. Doppe fidnet oastit beaiveborramuša ja dábálaš kioskagálvvuid. Doppe leat kaféabeavddit ja stuolut ja sáhtát čohkkedit boradit ja jugistit káfe. Doppe lea maid automáhta mas sáhttá oastit borramuša ja juhkamuša go kantiidna ii leat rabas.

Rabasáiggit

10:30 – 14:30   vuossárggas bearjadahkii

 

Bildet viser sykehusplan 1, 2 og 3 på Kirkenes sykehus

 

Dát govas oaidná Girkonjárgga buohcceviesu 1., 2. ja 3. gearddi.

Buohcciviesus leat máŋga vuogas vuordinlanja. Jeara bargiin gos lagamus vuordinlatnja lea. 

Vuostáiváldin/Resepšuvdna lea olgeš bealde go boađát sisa váldoboađáhaga. 

Resepšuvnna rabasáiggit

Vuossárggas bearjadahkii
07:30 – 16:00