Mánáid- ja nuoraidpsykiátralaš poliklinihkka, Áltá

Dikšofálaldagat  

MNP  Álttá fállá árvvoštallama, iskkadeami ja divššu mánáide ja nuoraide gaskal 0 ja 18 jagi  geain leat psyhkalaš váttut, maŋŋel fástadoaktára dahje mánáidsuodjalusbálvalusa čujuheami. Mii fállat maiddái bagadallama váhnendoaimmaid birra pasieantta ruovttubirrasis (johttijoavku).

Sisaváldinjoavku árvvoštallá buot čujuhemiid. Sii árvvoštallet leago pasieantavuoigatvuođalága mielde vuoigatvuohta oažžut dearvvašvuođaveahki ja vuordináiggi.

Min divššárat leat mánáidpsykiatriija doavttir,  doavttir spesialiserema vuolde,  psykologaspesialista, psykologa, klinihkalaš mánáidsuodjaluspedagoga, sosionoma, pedagoga. Poliklinihkas lea čálli, ja son lea dat geainna don ovddemus gulahalat go riŋget midjiide.

MNP bargit mátkkoštit jeavddalaččat Láhppis ja Ákŋoluovttas.  Doppe mii oassálastit ovttasbargočoahkkimiidda, ja maiddái čađahit pasieantaárvvoštallamiid ja divššu. Poliklinihkalaš joavku mátkkošta dárbbu mielde pasieanttaid ruovttuide.

Erenoamáš bealit čujuheami oktavuođas

Čujuheamit dahkkojuvvojit MNP spesiálaskoviin MNP-čujuhusaide, dahje reivve mas leat dieđut mat leat jerrojuvvon MNP-skoviin.

Olggobealde bagadallan/oahpahus

Poliklinihkas lea fásta bagadallan ovttasbargoguimmiiguin soahpamuša mielde. Mii sáhttit maid oahpahit fáttáid birra mat gullet mánáid ja nuoraid psyhkalaš dearvvašvuođasuddjemii.