RPP Kárášjohka - Rávisolbmuid psykiátralaš poliklinihkka

RPP fállá čielggadeami ja divššu váttuide nugo:

• Váttut traumaid geažil
• Garra ballu ja bággováttut
• Deprešuvnnat, bipolára- ja psykosaváttut
• ADHD
• Gárrenávnnas- ja eará sorjavašvuođat
• Borranváttut
• Sohkabealidentitehta

RPP sáhttá maiddái fállat dikšuma eará lágan gillámušaide.

Son gii dárbbaša veahki, galgá oažžut čujuhusa doaktáris dahje psykologas. RPP lea poliklinihkka mii mearkkaša ahte mii váldit vuostá geavaheddjiid geat eai leat sisačálihuvvon dikšui. Geavaheddjiide fállojuvvojit jeavddalaš konsultašuvnnat.

Heahtefálaldat

Sámi Klinihkas lea maid fáhkkafálaldat man bokte gielddadearvvašvuođabálvalus sáhttá váldit oktavuođa RPP:in oažžun dihte veahki árvvoštallat pasieanttaid.

RPP:s lea heahtedillevákta rabasáiggis gaskal diibmu 08.00-15.30. Jándorovttadat váldá vuostá fáhkkadieđuid gaskal diibmu 15.30-08.00. Dasa lassin leat váldodoaktárat geat leat mielde ruovttuváktaortnegis olámuttos árgabeivviid gaskal diibmu 15.00-22.00 ja vahkkoloahpaid ja bassebeivviid gaskal diibmu 08.00-22.00.

Ulbmil lea sihkkarastit pasieanttaide veahki nu jođánit go vejolaš ja maŋimusat 24 diimmu siste. Heahtefálaldagas addet jođánis árvvoštallama ja oanehisáiggedivššu fáhkka psyhkalaš gillámušaide dahje psyhkalaš gillámušaid vearránemiide mat maid sáhttet maid čuovvut gárrenávnnasváttisvuođat.

Mo dikšun min luhtte čađahuvvo

Ovdal go váldo dikšui rávisolbmuid psykiátralaš poliklinihkkii, de galgá čujuheaddji instánsa kártet áigeguovdilis váttisvuođaid, sosiála diliid, ovddeš buozalmasvuođaid ja vejolaš eará diliid mat leat dehálaččat go galgá árvvoštallat čujuheami. Go čujuhus boahtá poliklinihkkii, de dahkko árvvoštallan sisaváldinjoavkkus lea go pasieanttas vuoigatvuohta dearvvašvuođaveahkkái, galgá go čielggadeapmi dahje dikšun biddjot johtui ja man guhká galgá pasieanta vuordit. Pasieanta oažžu reivve poastta mielde mas oažžu eanet dieđuid ja dieđuid iežas vuoigatvuođaid birra, dahje suinna váldet oktavuođa telefovnna bokte jus árvvoštallojuvvo hoahppodillin.

Čielggadanáigodagas oažžu pasieanta ovddasvástideaddji divššára. Muhtun dáhpáhusain lea čielggadeapmi nu ahte deaivvada máŋggain ámmátjoavkkuiguin fágaidrasttideaddji joavkkus.  Čielggadeapmi áigodat rievddada dan mielde makkár áššit leat ja sáhttet leat dušše ságastallamat dahje leat sihke ságastallamat ja iešguđetlágan kártenreaiddut. Muhtumat čujuhuvvot ruovttoluotta gildii/suohkanii maŋŋel go čielggadeapmi lea loahpahuvvon, oktan ávžžuhusaiguin viidásit doaibmabijuide. Earát fas ožžot viidáset dikšofálaldaga poliklinihkas. Mii fállat iešguđetlágan dikšunvugiid ja gávnnahit ovttas pasieanttain mii heive buoremusat sutnje. Dikšu árvvoštallojuvvo jeavddalaččat ja jus lea dárbu, de váldojuvvo ovdan fágaidgaskasaš joavkkus gos lea spesialista. Pasieanttas galgá maiddái leat vejolašvuohta hupmat spesialisttain jus dasa lea dárbu. Divššu loahpaheapmi digaštallojuvvo ovttasráđiid pasieanttain ja fágaidgaskasaš joavkkuin. Dikšun sáhttá dávjá jotkojuvvot digitálalaččat.

Organisering

VPP består av et tverrfaglige team bestående av psykiater, psykologspesialist, psykolog, psykiatrisk sykepleier, klinisk sosionom og andre med spesialisert helsefaglig høyskoleutdanning. VPP utfører spesialisert utredning og behandling relatert til bredt spekter av psykiske lidelser fra moderat til alvorlig art.
VPP  ambulerer jevnlig ut i opptaksområdet og har utstrakt samarbeid med fastleger og helse- og sosialtjenesten i kommunene.

Poliklinikken gir også veiledning og undervisning til pårørende. VPP tilbyr kommunehelsetjenesten og psykisk helsevern undervisning og veiledning på temaer der kultur og psykisk helse møtes.

 

 

 

Tonje Samuelsen
Enhetsleder VPP  
T 78 96 97 08 | Tonje.Samuelsen@finnmarkssykehuset.no