DjO-ossodat

  

DjO-ossodat galgá barggustis bokte ovdánahttit ja sihkkarastit sápmelaččaide ovttaárvosaš bálvalusaid psyhkalaš dearvvašvuođa- ja gárrendilledivššus.   
DjO ovttastahttá SÁNAG klinihkalaš doaimma ja našuvnnalaš gelbbolašvuođabálvalusaid.

Gealbogaskkusteami ja ođđa dutkama bokte váikkuhit lassi dieđuide mat čájehit dehálašvuođa heivehit sápmelaččaid divššu gielalaččat ja kultuvrralaččat. DjO galgá álggahit doaibmabijuid nu ahte gelbbolašvuohta livččii olámuttos vuođđodearvvašvuođabálvalussii, spesialisttadearvvašvuođabálvalussii ja eará gealbobirrasiidda.

Ovttadaga barggut:

• Láhčit dili SÁNAG dutkamiidda ja ovdánahttinbargguide
• Nannet kulturpsykiatriija dutkangealbbu fágabirrasiin olggobeale SÁNAG:a
• Ovttasbargat eará našunála ja internašunála dutkanbirrasiiguin

Oahpahusfálaldagat ja hospiteren

SÁNAG fállá sihke digitála ja fysalaš oahpahusa mas deattuhuvvo mo kulturáddejupmi addá dárbbašlaš áddejumi go deaivvada sámi pasieanttaiguin.

Vuollelis gávnnat ovdamearkkaid oahppofáttáide maid fállat. Jus lea beroštupmi geavahit SÁNAG logaldalli, de válddát oktavuođa DjO-ovttadagain. Mii gaskkustit jearaldaga heivvolaš logaldallái. 
Mii fállat heivehuvvon oahpahusa guosseohppiide geat bohtet SANAG:i. Váldde oktavuođa DjO-ovttadagain jus háliidat dáppe hospiteret.

Sáddes jearaldagaid gaskkusteami, oahpahusa dahje hospiterema birra e-boastta bokte:

SANKS-FOU@finnmarkssykehuset.no

Eanet DjO birra:

Ovttadaga bargit leat referánsajoavkku ja DjO-stivrra čállingoddi ja áššemeannudeaddjit. DjO-stivra hálddaša ja juohká bušetterejuvvon dutkanruđaid.
Ovttadagas lea ovddasvástádus raporteret gelbbolašvuođabálvalusaid doaimmaid, juohkit gelbbolašvuođa ja ovttasbargat oahpahusásahusaiguin ja dutkanbirrasiiguin. DjO galgá maid álggahit dutkan-, fága- ja bálvalusovdánahttinprošeavttaid mat leat relevánta klinihkalaš bargui.