Ođđa sámegielat spesialista

Dearvvašvuođadirektoráhta lea dohkkehan SÁNAG – Sámi Klinihka bargi May Britt Nystad spesialistan gárrendille- ja sorjjasvuođamedisiinnas.

Kila Anti, giella- ja gulahallanráđđeaddi

Almmuhuvvon 2025-04-25

En kvinne som har på seg et plagg — May Britt Nystad lea gárven spesialistaoahpustis.

SÁNAG – Sámi Klinihkka lea rámis go beassá presenteret ođđa sámegielat spesialistta.

Dearvvašvuođadirektoráhta oainnat dohkkehii min bargi, May Britt Nystad gárrendille- ja sorjjasvuođaspesialistan guovvamánu 25. beaivvi 2025:s.

- Mii sávvat hui olu lihkku May Britt Nystad:i gii dál lea oahppan spesialistta gárrendille- ja sorjjasvuođamedisiinnas, lohket su bargoskihpárat.

Virgáiduvvui 2017:s

May Britt Nystad lea bargan psyhkalaš dearvvašvuođa ja sorjjasvuođa jándorovttadagas gávcci jagi. Son virgáduvvonkonstituerejuvvon váldodoavttirin.

Ođđaoahppan spesialistta gárvii medisiidnaoahpustis Bergena universitehtas 2008:s. Dan botta go lea gazzan spesialistaoahpu, de lea bargan SÁNAG – Sámi Klinihka jándorovttadagas, rávisolbmuid psykiátralaš poliklinihkas ja FSD poliklinihkas. Son leamaš maid Romssas ovcci mánu gos barggai Davvi-Norgga universitehtabuohcceviesu gárrendille- ja sorjjasvuođadikšoovttadagas.

May Britt Nystad lea riegádan ja bajásšaddan Kárášjogas. Son lea davvisámegielat ja sus lea sihke kulturgelbbolašvuohta ja kulturáddejupmi.