Heahteroassojoavku ásahuvvon
Guovdageainnu suohkan ja SÁNAG leat ásahan heahteroassojoavkku maŋŋel go Ábborášša orohaga bohccot doddjojedje Stuorajávrái.
Kila Anti, giella- ja gulahallanráđđeaddi
Almmuhuvvon 2024-10-21
Mannan vahkkus doddjojedje birrasii 200 bohcco Stuorajávrái, Guovdageainnu suohkanis.
Guovdageainnu suohkan ja SÁNAG fállet veahki maŋŋel roasu.
Heahteroassojoavku doarju ságastallamiiguin, muhto lea maid vejolaš váldit oktavuođa jus leat eará praktihkalaš hástalusat.
Heahteroassojoavku lea buohkaid várás geasa roassu lea čuohcan.
Váldde oktavuohta telefovnna dahje SMS dieđu bokte:
Anne Lajla Kalstad, Guovdageainnu suohkan: 41333342
Guro Nordgaard Siri, SÁNAG psykiátralaš buohccedivššár: 96043249