Interneahtta ja telefovdna ii doaimma
Spesialisttadoavtterguovddážii ja Rávisolbmuid psykiátralaš poliklinihkkii ii leat vejolaš riŋget. Plánejuvvon pasieantadiimmut čađahuvvojit.
Kila Anti, giella- ja gulahallanráđđeaddi
Almmuhuvvon 2025-06-17
Sámi Klinihka Spesialisttadoavtterguovddážis, Merkantil:as ja Rávisolbmuid psykiátralaš poliklinihkas Ávjovárgeainnus ii doaimma interneahtta ja telefovdna.
Dáid ossodagaide/ovttadagaide ii leat vejolaš riŋget.
Mii leat bargiide ordnen mátkedihtoriid main lea interneahtta, ja danin lea Sámi Klinihkas vejolaš čađahit plánejuvvon iskkademiid ja divššuid.
Ii leat dihtosis goas interneahtta ja telefovdna lea fas doaimmas. Mii šallošit vejolaš váikkuhusaid.