Ođđa miellahtut SÁNAG:a geavaheaddjiráđđái

Háliidat go váikkuhit dasa ahte:

• SÁNAG - Sámi klinihka bálvalusain ja fálaldagain lea buorre kvalitehta?
• SÁNAG - Sámi klinihkka fállá nana pasieantadivššu beroškeahttá bálvalusaid ja hálddašeami dásiid?
• SÁNAG vuhtiiváldá geavaheddjiid mielváikkuheami bálvalusainis?

Dalle berret dieđihit beroštumi šaddat miellahttun min geavaheaddjiráđis!

Áigemearri: golggotmánu 20. beaivvi. 

SÁNAG geavaheddjiidráđđi

Mii háliidit ahte SÁNAG:a geavaheddjiidráđi miellahtut beroštit sámi servodagas ja ahte sis lea vásáhus juogo pasieantan dahje oapmahažžan. SÁNAG deattuha maiddái ahte geavaheaddjiráđđi ovddasta sámi pasieanttaid/geavaheddjiid girjáivuođa ja geográfalaš guovllu viidát!

Geavaheaddjiráđi ulbmilin lea nannet ja váikkuhit SÁNAG:a bálvalusaid ovdáneami ovttasbarggu, rávvema, aktiivvalaš oassálastima ja systemáhtalaš ruovttoluottadieđiheami bokte. Geavaheaddjiráđi doaibma galgá resursan sihke SÁNAG:ii ja SÁNAG:a geavaheddjiide.

Geavaheaddjiráđi organiseren

Geavaheaddjiráđis leat čieža lahtu ja unnimusat guokte várrelahtu. SÁNAG nammada miellahtuid ja vuođđun dása leat kandidáhtaid vásáhusat, gelbbolašvuohta, fierpmádat, luohttevašvuohta ja vejolaš organisašuvdnačanastupmi.

Geavaheaddjiráđđi galgá ovddastit sihke mánáid, nuoraid ja rávisolbmuid geain leat psyhkalaš dearvvašvuođahástalusat ja gárrendille/sorjjasvuođahástalusat. Nuorra rávisolbmot maid ávžžuhuvvojit searvat.

Finnmárkku buohcceviessu ja SÁNAG mákset buhtadusa ja honorára searvama ovddas. Geavaheaddjiráđi miellahtuid mátke- ja orrunlogut čoahkkimiid oktavuođas maid gokčojuvvojit.

Dieđit iežat beroštumi

Jus dieđihat iežat beroštumi, de it leat geatnegahtton searvat geavaheaddjiráđđái ovdal mii leat gulahallan ja válljen áirasiid.

Váldde áinnas oktavuođa, čális veahá iežat birra ja sáddes iežat oktavuođadieđuid SÁNAG geavaheaddjiráđi čállingoddái: SANKS-FoU@finnmarkssykehuset.no

Dás gávnnat lassi dieđuid SÁNAG geavaheaddjiráđi birra.