Stuorraluohkká lea gitta

Kárášjoga gielda lea goaivunbargguid geažil gidden johtolaga Stuorraluohkkái ja Girkogeidnui, ja dat mearkkaša ahte SÁNAG pasieanttat, bargit ja eará guossit šaddet vuodjit dahje vázzit eará geaidnoráigge boađedettiin ja manadettiin.

Go áigu SÁNAG:i, de galgá geavahit vázzin- ja sihkkelastinluotta gaskal Eivevárluhppo ja Stuorraluohká. Geaidnoearru lea Sámedikki bokte. Vázzin- ja sihkkelastingeidnui leat bidjan johtolatčuovggaid.

Kárášjoga gielda dieđiha ahte birra vuodjin dáhpáhuvvá vel sihke dán ja boahtte vahkku. Vahkku 36 rájes galggašii Stuorraluohkká rahpasit, ja dalle sáhttá johtit SÁNAG:i girku bokte.