SÁNAG viiddida vuosttašceahkkefálaldaga
Dássážii lea SÁNAG fállan vuosttašceahkkefálaldaga mánáide ja nuoraide, muhto dál sáhttet maiddái rávisolbmot váldit oktavuođa. Don it dárbbaš čujuhusa doaktáris ja mii fállat oktiibuot golbma ságastallama.
Ovdalaččas lea SÁNAG:is bissovaš vuosttašceahkkefálaldat mánáide ja nuoraide gaskal 6-18 jagi. Dál viiddidit fálaldaga ja fállat bálvalusa maiddái rávisolbmuide.
Vuosttašceahkkefálaldat lea nuvttá ja geavaheaddjit sáhttet ieža váldit minguin oktavuođa. Don it dárbbaš čujuhusa doaktáris. Mis lea mihttun fállat veahki guovtti vahkku siste.
SÁNAG fállá golbma ságastallama ja mii sáhttit veahkehit jus vásihat hástalusaid árgabeaivvis, go eallinkriisa deaivida dahje jus ražat psyhkalaččat.
Min ságastallanbálvalus lea heivehuvvon kultuvrralaččat ja gielalaččat.
SÁNAG sáhttá veahkehit dáid hástalusaiguin:
- Oađđenváttut
- Riidočoavdin
- Gieđahallat morraša
- Bagadallan
- Iešguđetge balut
- Lossamiella
- Sávakeahtes gárrenmirkkovásáhusat
- Illasteapmi
- Iešsorbmenjurdagat
- Hástalusat skuvllas
Váldde oktavuođa SÁNAG:in telefovnna bokte: 78967420
dahje sáddes e-poastta: sanks-postmottak@finnmarkssykehuset.no
Jus dárbbašat fáhkkaveahki, de ávžžuhit váldit oktavuođa fástadoaktáriin, doavttervávttain tlf: 116117 dahje medisiinnalaš heahtevehkiin tlf: 113