Hámmerfeastta buohcceviessu

Hámmerfeastta buohcceviesus leat fálaldagat čuovvovaš fágasurggiin: fáhkkabuhcciidmedisiidna, kirurgiija, ortopediija, sismedisiidna, gynekologiija/riegádahttin, mánáidmedisiidna ja mánáidhabiliteren.

Bálvalusguovddáš

Váldouvssa guoras gávnnat min bálvalusguovddážii gos leat bargit geat sáhttet veahkehit du jus dárbbašat veahki deaivat gosa galggat.

Bálvalusguovddáš lea rabas:

Mánnodat - bearjadat: 07:30 - 20:00

Lávvordat – sotnabeaivi: Gitta

Váldouksa

Buohcceviesu váldouksa lea rabas juohke beaivvi gaskal diibmu 06:00 ja 22:00. Jus dárbbašat mannat olggobealde buohcceviesu dán áigodaga, de lea vejolaš mannat heahteossodaga bokte lollioarjjabeale.

Oktavuohta

Telefovdna

Sentralbord 78 96 70 00

Mánnodat - Bearjadat 08:00 - 15:30
Lávvordat - Lávvordat CLOSED

Følg talemenyen for å komme til rett avdeling.

Boastačujuhus

Finnmarkssykehuset

Hammerfest sykehus

Kransvikveien 35

9601 Hammerfest

E-boastta

postmottak@finnmarkssykehuset.no

Ná gávnnat gosa galggat

Go boađát sisa váldouksaráigge de leat guokte sisačálihanautomáhta. Don oaččut automáhtas dieđu gosa galggat mannat go leat sisačálihan iežat. Jus dus leat jearaldagat de válddát oktavuođa bálvalusguovddážiin mii lea váldouvssa gurutbeale. Fáhkkabuhcciidvuostáiváldin lea lullioarjjabeale vistti.

Bálvalusguovddáš lea rabas:

Mánnodat- bearjadat: 07.30 – 20.00

Lávvordat – sotnabeaivi: Gitta

Hammerfest sykehus

Kransvikveien 35

9601 Hammerfest

Finn frem

Hámmárfeastta busseterminála lea gávpotguovddážis, birrasii 2,5 kilomehtera eret Hámmárfeastta buohcceviesus.

Busse johtá gaskal buohcceviesu váldouvssa ja Hámmárfeastta leaktofanaskáija mii lea gávpotguovddážis, ja busseáiggit korresponderejit VargsundXpressen:in mii johtá ovdan ruoktut Áltái vuossárggas bearjadahkii.
Joavdá Hámmárfeastta buohccevissui sullii 08:40
Vuolgga buohcceviesus dii. 16:15

Vuordinsadji Fuglenes luoddaearru lea sullii 300 mehter buohcceviesus

130 Bybuss Hammerfest
(ii guoskka geassemánnu 20. b - borgemánnu 20. b)130 Bybuss Hammerfest
(geasset geassemánnu 20. b - borgemánnu 20. b) 132 Ringrute Strømsnes - Hammerfest - Forsøl

Buohcceviesu parkerenbáiki lea šiltejuvvon.

Haddi kr. 26,- jándoris – Tákstajoavku 8802

Váldonjuolggadusa mielde gokčojuvvo pasieantamátki dikšobáikái hálbbimus ruvttosáhtuin.

Eanet Finnmárkku Pasieantamátkkoštemiid birra

Geavatlaš dieđut

Pasieanttain geain lea šiehtadus dahje geat sisačálihuvvojit Davvi Dearvvašvuođa buohcceviesuide/klnihkaide lea riekti geavahit davvisámegielat dulkka geat leat olámuttos árgabeivviid diibmu 08.00–22.00.

Sámi dulkonbálvalus

Kaféa lea buohcciviesu vuođđogearddis lullioarjji bealde. Dáppe sáhtát návddašit gávpoga buoremus várddu Sállannuorrái dan botta go návddašat káfekohpaža, váffela dahje mállása. Leat dieđusge buresboahtin vaikke vel it oasttege maidige borran- dahje juhkanláhkai.

Kaféa lea álo rabas.

Borramuš guossuhuvvo

Árgabeivviid
08:00 – 13:30

Lávvardagaid, sotnabeivviid ja bassebeivviid
11:45 – 12:30

Dán lanja sáhttet pasieanttat, oapmahaččat ja bargit geavahit. Don leat buresboahtin deike, lea álo rabas. Dáppe sáhtát gávdnat ráfi jurddašit. Sáhtát cahkkehit gintala, lohkat ja rohkadallat. Kapeallas lea buorre piano ja cd-čuojanas. Lanjas mii lea olggobealde lea gullevaš girjjálašvuohta, sálbmagirjjit ja biibalat.

Kapealla lea rabas buohkaide, beroškeahttá oskkus dahje eallinoainnus.

Kapealla lea buohcciviesu vuođđogearddis, gurutguvlui go leat vázzán kaféa meattá. Čuovu galbbaid.

Hámmarfeastta buohcciviesus lea iežas báhppa. Báhppabálvalus lea fálaldat pasieanttaide, oapmahaččaide ja bargiide. Buohcciviessobáhpa namma lea Karen Lorentzen. Buohcciviesus lea maiddá šiehtadus gávpoga báhpaiguin. Sii sáhttet gohččojuvvot bálvalusaide maiguin ii sáhte vuordi, go buohcciviessobáhppa ii leat buohcciviesus.

Ságastallan

Buozalmasvuohta ja eahpesihkkarvuohta dearvvašvuođa ja iežas boahtteáiggi dáfus guoskkaha čiekŋalis ja vuđolaš eallinárvvuid mis. Ii leat eaktun ahte galgá leat ovttaoaivilis girku oskuin deaivvadan dihte báhpain. Ságastallama vuolggasadji sáhttá leat ahte don dárbbašat soapmása guhte sáhttá guldalit, go don leat váttis eallindilis, go háliidat juogadit áššiid mat dus leat váimmu lahka. Báhppa galgá diktit ságastallama ovdánit ságastallanguoimmi eavttuid mielde. Báhpas lea jávohisvuođageasku, ja ságastallan ii muitaluvvo viidásat geasage, iige čállo journálaide.

Pasieanttat guđet gullet eará oskkuide dahje eallinoainnuide go Norgga Girku galget oažžut oktavuođa iežaset servodagain go sii dan dáhttot.
Báhppabálvalus sáhttá veahkehit gaskkustit oktavuođa.

Sáhttá váldit oktavuođa buohcciviessobáhpain telefovnna bokte, tlf 78 96 92 02 / 911 82 776

Eanet buohcciviessobáhpa birra

Hámmerfeastta buohcceviessu