Borasdávdapoliklinihkka, Hámmerfeasta

Borasdávdapoliklinihkka galgá leat fálaldat Hámmerfeastta buohcceviesu sisačálihuvvon ja poliklinihkalaš pasieanttaide.

Min váldobargu lea addit cytostatihkaid (seallamirkko). Mii fállat cytostatihka buotlágan borasdávddaide, namalassii medisiinnalaš, kirurgalaš ja gynekologalaš borasdávdadiagnosaide. Lassin dasa ahte fállat cytostáhtalaš dikšuma, de rávvet ja bagadallat mii dávddaid ja dávdamearkkaid birra mat sáhttet čuožžilit borasdávdda geažil. Dat sáhttet leat  váibmogákkaheapmi, bákčasat, heajos borranlustu ja nu ain, dahje eará liigeváikkuhusat suonjardivššu dahje cytostáhtalaš divššu oktavuođas.  jna., dahje eará liigeváikkuhusat čuovgga dahje cytostáhtalaš dikšuma oktavuođas. Jus pasieanta dárbbaša varra- dahje golggosterapiija njuolga varrii, de mii sáhttit fállat dan poliklinihkalaččat.

Mii addit dieđuid veahkkeapparáhta birra, doarjjaortnegiid ja pasieantta vuoigatvuođaid birra. Mii fállat maid ovttaskas ságastallamiid ja ságastallamiid pasieanttain ja oapmahaččaiguin.

Pasieanttat geat leat máŋggabeaivásaš dálkkodeamis eai dárbbaš sisačálihuvvot ossodahkii gos ožžot divššu, muhto ožžot fálaldaga orrut pasieantahoteallas mii lea seamma gearddis go borasdávdapoliklinihkka.

Borasdávdapoliklinihkas lea borasdávdadivššu obbalaščuovvolankoordináhtor (mannolatkoordináhtor). Obbalaščuovvolankoordináhtoris lea bajilgovva buohcceviesu fálaldagain borasdávdapasieanttaide ja sihkkarastá ahte borasdávdapasieanttat ožžot buori medisiinnalaš čielggadeami ja divššu, daid áigemeriid siskkobealde maid eiseválddit leat mearridan.

Obbalaščuovvolankoordináhtor lea olámuttos pasieanttaide, fástadoaktáriidda ja buohcceviessobargiide.

Finnmárkku buohcceviesu obbalaščuovvolankoordináhtorat: 

Forløpskoordinatorer i Finnmarkssykehuset