Hei, du må oppdatere nettleseren din for å kunne besøke oss.

Medisiinnalaš seaŋgalanjat, Hámmerfeasta

Medisiinnalaš seaŋgalanjain leat fálaldagat sismedisiinnalaš, váibmo-, geahpes- ja monimušpasieanttaide. Ossodagas barget váibmodávddaid-, suolbmudandávddaid- ja geriatriijaspesialisttat. Mánáid- ja nuoraidovttadat gullá maid medisiinnalašovttadahkii.

Ovttadagas fállet divššu dáidda dávddaide ja leat dát fálaldagat:

  • Váibmosivat nugo angina, váibmováidun, váibmocoahkkinheađuštusat ja aortauvssotvigit.
  • Geahpesdávddat nugo ástmá, KOLS, allergiija, oksygenadikšu ja geahpesborasdávda.
  • Suolbmudandávddat masa gullet čielggadeamit ja iskkadeamit  gastro-/koloscopiijain, enteroskopiijiain, ERCP, mamometri/pH-registreren.
  • Monimušdávddaid dikšun mas lea mielde dialysaovttadat ja UNN johtti nefrologa.
  • Vuoiŋŋaščaskkástat
  • Varradávddat
  • Diabetes/sohkardávda
  • Varrabunci/gillončoaltu
  • Infekšuvdnadávddat
  • Eará hormonadávddat
  • Mánáiddávddat ja eará poliklinihkalaš fálaldagat mánáide ja nuoraide.
  • Mánáid ja nuoraid habiliterenbálvalus

Mis lea lagas ovttasbargu Davvi-Norgga Universitehtabuohcceviesuin (UNN). Dasa lassin lea mis buorre oktavuohta Girkonjárgga buohcceviesuin ja vuođđodearvvašvuođabálvalusain.

Oktavuohta

Sentralbord Finnmarkssykehuset

For spørsmål rundt din time eller innkalling

Boastačujuhus

Finnmarkssykehuset

Hammerfest sykehus Medisinsk avdeling

Kransvikveien 35

9601 Hammerfest

Ná deaivvat gosa galggat

Boahtinbáiki

Medisiinnalaš seaŋgalanjat leat 3. gearddis fiskes ja alit visttis.

Hammerfest sykehus sett fra dronevinkel som viser bygget foran havet og parkeringsplass i front

Hammerfest sykehus

Kransvikveien 35

9601 Hammerfest

Finn frem

​Busse johtá gaskal buohcceviesu váldouvssa ja Hámmárfeastta leaktofanaskáija mii lea gávpotguovddážis, ja busseáiggit korresponderejit VargsundXpressen:in mii johtá ovdan ruoktut Áltái vuossárggas bearjadahkii.
Joavdá Hámmárfeastta buohccevissui sullii 08:40
Vuolgga buohcceviesus dii. 16:15

Vuordinsadji Fuglenes luoddaearru lea sullii 300 mehter buohcceviesus

130 Bybuss Hammerfest
(ii guoskka geassemánnu 20. b - borgemánnu 20. b)130 Bybuss Hammerfest
(geasset geassemánnu 20. b - borgemánnu 20. b) 132 Ringrute Strømsnes - Hammerfest - Forsøl

Hámmárfeastta busseterminála lea gávpotguovddážis, birrasii 2,5 kilomehtera eret Hámmárfeastta buohcceviesus.

Hámmarfeastta leaktofanaskáija lea Hámmarfeastta gávpotguovddážis, 2,5 kilomehtera Hámmarfeastta buohcciviesus eret.

Buohcceviesu parkerenbáiki lea šiltejuvvon. 

Haddi kr. 26,- jándoris – Tákstajoavku 8802

Váldonjuolggadusa mielde gokčojuvvo pasieantamátki dikšobáikái hálbbimus ruvttosáhtuin.

Eanet Finnmárkku Pasieantamátkkoštemiid birra

Geavatlaš dieđut

Bilde av Karen Lorentzen

Hámmarfeastta buohcciviesus lea iežas báhppa. Báhppabálvalus lea fálaldat pasieanttaide, oapmahaččaide ja bargiide. Buohcciviessobáhpa namma lea Karen Lorentzen. Buohcciviesus lea maiddá šiehtadus gávpoga báhpaiguin. Sii sáhttet gohččojuvvot bálvalusaide maiguin ii sáhte vuordi, go buohcciviessobáhppa ii leat buohcciviesus.

Ságastallan

Buozalmasvuohta ja eahpesihkkarvuohta dearvvašvuođa ja iežas boahtteáiggi dáfus guoskkaha čiekŋalis ja vuđolaš eallinárvvuid mis. Ii leat eaktun ahte galgá leat ovttaoaivilis girku oskuin deaivvadan dihte báhpain. Ságastallama vuolggasadji sáhttá leat ahte don dárbbašat soapmása guhte sáhttá guldalit, go don leat váttis eallindilis, go háliidat juogadit áššiid mat dus leat váimmu lahka. Báhppa galgá diktit ságastallama ovdánit ságastallanguoimmi eavttuid mielde. Báhpas lea jávohisvuođageasku, ja ságastallan ii muitaluvvo viidásat geasage, iige čállo journálaide.

Pasieanttat guđet gullet eará oskkuide dahje eallinoainnuide go Norgga Girku galget oažžut oktavuođa iežaset servodagain go sii dan dáhttot.
Báhppabálvalus sáhttá veahkehit gaskkustit oktavuođa.

Sáhttá váldit oktavuođa buohcciviessobáhpain telefovnna bokte, tlf  78 96 92 02​ / 911 82 776

Eanet buohcciviessobáhpa birra

​​​​

COLOURBOX24536742.jpg


Kaféa lea buohcciviesu vuođđogearddis lullioarjji bealde. Dáppe sáhtát návddašit gávpoga buoremus várddu Sállannuorrái dan botta go návddašat káfekohpaža, váffela dahje mállása. Leat dieđusge buresboahtin vaikke vel it oasttege maidige borran- dahje juhkanláhkai.

Kaféa lea álo rabas.

Borramuš guossuhuvvo

Árgabeivviid
08:00 – 13:30

Lávvardagaid, sotnabeivviid ja bassebeivviid
11:45 – 12:30 

Jus don háliidat hállat davvisámegiela divššu dahje iskkadeami oktavuođas, de mii geavahat áinnas iežamet sámegielat dulkka. Eambbo dieđuid gávnnat dáppe: dulkonbálvalus

Du kan koble deg på trådløst nettverk på alle Finnmarkssykehusets behandlingssteder.

Nettverksnavn: HN-GJEST

Du trenger ikke oppgi passord

Bilde
 

Siskkimuččas boradanlanjas gávnnat vuordinlanja gos leat vuogas stuolut, doppe sáhtát vuoiŋŋastit dan bottago vuorddát beassát dikšui ja iskkadeapmái, dahje go vuorddát sáhtu.