Hei, du må oppdatere nettleseren din for å kunne besøke oss.

Kirurgalaš, ortopedalaš ja medisiinnalaš seaŋgaovttadat, Girkonjárga

Medisiinnalaš seaŋgaovttadat

Mis leat spesialisttat čuovvovaš fágasurggiin:

  • Sismedisiidna
  • Gastroenterologia
  • Geahpesdávddat
  • Kardiologiija
  • Kardiologiija

Ovttadahkii gullá maid gáldnanvihkeovttadat mas leat fágaidgaskasaš bálvalusat pasieanttaide geain leat gáldnanvigit.

Mis lea sierra čállingoddi mii fuolaha buot mii guoská pasieantagohččumiidda, koordineremii ja čállinbargui. Čállingoddebálvalusas barget sihke dearvvašvuođačállit ja buohccedivššárat, ja sii hálddašit sihke poliklinihka ja seaŋgalanjaid skráŋkadoaimmaid.

Oktavuohta

Sentralbord

Følg talemenyen for å komme til rett enhet.

Ná gávnnat gosa galggat

Boahtinbáiki

Min seaŋgalanjaid gávnnat 2. gearddis. Čuovo galbema.

Girkonjárgga buohcceviessu

Skytterhusveien 2

9900 Kirkenes

Oza

Bussevuordinsadji lea njuolga váldouvssa olggobealde.

 

​Pasieanttaide ja gussiide lea nuvttá guođđit biilla guođáhahkii njuolga olggobealde buohcciviesu váldouvssa.

Váldonjuolggadusa mielde gokčojuvvo pasieantamátki dikšobáikái hálbbimus ruvttosáhtuin.

Eanet Finnmárkku Pasieantamátkkoštemiid birra

Geavatlaš dieđut

Lea kantiidna gurutbeale váldouvssa. Doppe fidnet oastit juoga borran láhkai ja dábálaš kioskagálvvuid. Doppe lea kaféabeavdi ja stuolut gosa sáhtát čohkkedit boradit, jugistit káfe dahje lohkat aviissaid. Doppe lea maid automáhta mas sáhttá oasttit borramuša ja juhkamuša go kantiidna ii leat rabas.

Rahpanáiggit

10:30 – 15:30   vuossárggas bearjadahkii

Vuosttaš gearddis, bargiuskkádaga luhtte gávnnat buohcceviesu neutrála eallinoaidnu seremoniijalanja. Dán lanja sáhttet pasieanttat, oapmahaččat ja bargit geavahit beroškeahttá makkár eallinoaidnu dahje osku sis lea. Deike leat álo bures boahttin, beasat gávdnat ráfi. Buohkat sáhttet geavahit lanja.

​Váktaortnet- čuorvvuhit báhpa

Mátta-Várjjaga báhpabálvalusas lea váktaortnet gos bargit Girkonjárgga buohcciviesus sáhttet riŋget báhppii, jos muhtin pasieanttas dahje oapmahaččas lea dárbu.

Báhpabálvalus sáhttá fállat:

  • Siellodivššu ja ságastallama
  •  Eahkedismállása
  • Gásta

Ja vel sierra liturgiijaid/ rohkosiid jápmima oktavuođas.

Telefovnna bokte dáhkko šiehtadus báhpain gosa ja goas guoskevaš galgá boahtit. Dábálaččat háliidat mii boahtit buohccevissui. Mii vuoruhat fálaldagaid maid ii sáhte maŋidit.

Telefovdnanummar maid sáhttá geavahit: 78 97 75 70 (searvegoddekantuvra sáhttá geavahit bargoáiggis- dii. 09.00-15.00) 413 74 234 (njuolgga báhppii) "


Pasieanttain geain lea šiehtadus dahje geat sisačálihuvvojit Davvi Dearvvašvuođa buohcceviesuide/klnihkaide lea riekti geavahit davvisámegielat dulkka geat leat olámuttos árgabeivviid diibmu 08.00–22.00.

Sámi dulkonbálvalus


Resepšuvdna lea olgešguvlui áiddo siskkobealde váldouvssa.

Resepšuvnna rahpanáiggit

Vuossárggas duorastahkii
07:30 – 16:00

Bearjadaga:

07:30 – 15:30.  


Buohcciviesus leat máŋga vuogas vuordinlanja. Jeara bargiin gos lagamus vuordinlatnja lea.