Hei, du må oppdatere nettleseren din for å kunne besøke oss.

Gárrenvuođadivššu árvvoštallanjoavku

Finnmárkku buohcceviesu gárrenvuođadivššu árvvoštallanjoavku árvvoštallá čujuhusaid mat gusket gárrenávnnas- ja speallansorjavaččaide geat dárbbašit guorahallama/divššu spesialistadearvvašvuođabálvalusas. Joavku árvvoštallá maiddái čujuhusaid dálkkasveahkehuvvonveajuiduhttimii (LAR).

Čujuhus ferte boahtit ovdamearkka dihte; fástadoaktáris/dábálašdoaktáris, gárrenvuođadikšo-, psykiatriija- ja sosiálabálvalusas/NAV, mánáidsuodjalusbálvalusas, doaktáris gii bargá giddagasas dahje spesialistadearvvašvuođabálvalusas.

Čujuhus árvvoštallojuvvo 10 bargobeaivvi sisa, ja váldet oktavuođa ohcciin dahje čujuheddjiin jus lea dárbu eanet dieđuide.

Go čujuhus lea árvvoštallojuvvon, de mearriduvvo juogo ahte:

  • Ohccis lea vuoigatvuohta oažžut dárbbašlaš dearvvašvuođaveahki spesialistadearvvašvuođabálvalusas mas lea geatnegahtti áigemearri goas dearvvašvuođaveahkki galgá fállojuvvot
  • Ohccis ii leat dárbu spesialistadearvvašvuođabálvalusa dearvvašvuođaveahkkái

Das lassin ávžžuha joavku heivvolaš dikšofálaldaga (institušuvnna/báikki) ja dikšodási, nugo poliklinihkalaš guorahallan/dikšu, beaivedikšu, čielggahandikšu/eaidadandikšu, oanehisáigge jándordikšu gitta guđa mánnui, guhkesáigge jándordikšu gitta 12 mánnui. Jus pasieanta ii háliit ávžžuhuvvon dikšofálaldaga, de ferte ohcci dahje čujuheaddji váldit oktavuođa árvvoštallanjoavkkuin.

Árvvoštallama boađus galgá dieđihuvvot ohccái 10 bargobeaivvi sisa. Čujuheaddji galgá oažžut seamma dieđuid go ohcci. Galgá maid dieđihuvvot goas maŋemus áigemearri bidjat álggahit dearvvašvuođaveahki lea, ja guoská go áigemearri guorahallama vai divššu álggaheapmái, ja goas vuosttaš deaivvadeapmi lea.

Árvvoštallanjoavkkus leat psykologa, bajitdoavttir, sosionoma ja psykiátralaš buohccedivššár. Joavkkus leat fágaolbmot geat barget Finnmárkku buohcceviesu Psykiátralaš dearvvašvuođasuddjema ja gárrenávnnasgeavaheami klinihkas. Joavkkus lea buorre máhttu iešguđetlágan gárrenvuođadikšofálaldagaid birra mat gávdnojit.

Oktavuohta

M

  • Mánnodat - Bearjadat 08:00 - 15:30
  • Lávvordat - Lávvordat CLOSED

Boastačujuhus

Finnmarkssykehuset

Vurderingsteamet Rus

Postboks 1143

9504 Alta

Ná deaivvat gosa galggat

Áltá Klinihkka

Markveien 31

9510 Alta

Oza

Lea biilaguođáhat goappašiid bealde vistti.

Guođđit biilla biilaguođáhahkii máksá ru. 12 juohke diibmui gaskal 10:00 ja 17:00, muđui lea nuvttá.

​Bussevuordinsadji lea 50 mehtera váldouvssas eret.

​Álttá busseterminála lea 750 mehtera dearvvašvuođaguovddážis eret.

 

Váldonjuolggadusa mielde gokčojuvvo pasieantamátki dikšobáikái hálbbimus ruvttosáhtuin.

Eanet Finnmárkku Pasieantamátkkoštemiid birra

Geavatlaš dieđut

Lagamus apotehka lea 100 mehtera eret klinihkas. Rasttil luotta go boađát váldouksaráigge.  

​Álttá gávpotguovddáš lea 100 mehtera eret, ja doppe leat sihke gávpeguovddážat ja kaféat.

Jus don háliidat hállat davvisámegiela divššu dahje iskkadeami oktavuođas, de mii geavahat áinnas iežamet sámegielat dulkka. Eambbo dieđuid gávnnat dáppe: dulkonbálvalus

​Spesialistapoliklinihkas leat máŋga buori vuordinlanja. Jeara bargiin gos lagamuš vuordinlatnja lea.

Ønsker du å gi din tilbakemelding til oss, eller ønsker du å klage på din behandling? 

På denne siden har vi samlet en oversikt over digitale samhandlingsmuligheter med sykehuset.