Hei, du må oppdatere nettleseren din for å kunne besøke oss.

FSD - Fágaidrasttildeaddji spesialiserejuvvon gárrendilledikšu

FSD fállá gárrendille- ja sorjjasvuođačielggadeami ja divššu rávisolbmuide geat leat badjel 18 jagi.

FSD poliklinihkka lea fálaldat olbmuide geain lea gárrenmirkko- dahje eará sorjjasvuođaváttisvuođat. Pasieanttaid bearrašat ja oapmahaččat sáhttet maid čujuhuvvot ovttadahkii.

FSD:s lea erenoamáš ovddasvástádus Gaska-Finnmárkku ja Nuorta-Finnmárkku suohkaniidda, ja go lea oassin SÁNAG:s, de lea ovttadagas maiddái našunála ovddasvástádus sámi álbmoga ektui.

 

Sorjjasvuohta sáhttá leat:

  • Gárrenmirkkot dego alkohola, lobihis narkotihkka substánssat, dálkasat A- ja B-joavkkus maid lea lobiheamet alcces skáhppon, dahje mat adnojit boastut reseapta ektui man lea doaktáris ožžon.
  • Speallansorjjasvuohta
  • Eará dilit maidda lea gártan sorjavaš

FSD poliklinihkka lea beaivefálaldat. Čujuheami vuolggaha doavttir, psykologa, NAV, gárrenmirkkokonsuleanta ja mánáidsuodjalus, ja maiddái spesialistadearvvašvuođabálvalus ja giddagasbálvalus.

Čujuhus sáddejuvvo: Gárrenmirko árvvoštallanjovkui, Finnmárkku buohccevissui HF.

Oktavuohta

Telefovdna

Boastačujuhus

Finnmarkssykehuset

SANKS TSB- Tverrfaglig spesialisert rusbehandling

Postboks 4

9735 Karasjok

E-boastta

sanks-postmottak@finnmarkssykehuset.no

Ná deaivvat gosa galggat

Sámi Klinihkka - Stuorraluohkká

Stuorraluohkka 34

9735 Karasjok

Oza

Kárášjoga busseterminála lea sullii 1 km mehtera SÁNAG Kárášjogas eret.

​SÁNAG lea Kárášjoga márkanbáikkis, doppe leat buvddat, apotehka, kioska ja boradanbáikkit.

Váldonjuolggadusa mielde gokčojuvvo pasieantamátki dikšobáikái hálbbimus ruvttosáhtuin.

Eanet Finnmárkku Pasieantamátkkoštemiid birra

Geavatlaš dieđut

​SÁNAG lea Kárášjoga márkanbáikkis, doppe leat buvddat, apotehka, kioska ja boradanbáikkit.

​Mis leat sámegielat bargit. Dulka sáhttá skáhppojuvvot go lea dárbu.

Jus don háliidat hállat davvisámegiela divššu dahje iskkadeami oktavuođas, de mii geavahat áinnas iežamet sámegielat dulkka. Eambbo dieđuid gávnnat dáppe: dulkonbálvalus