Kárášjoga MNP – Mánáid- ja nuoraidpsykiátralaš poliklinihkka

MNP lea dearvvašvuođafálaldat mánáide ja nuoraide geain leat váttisvuođat mat hástalit ja/dahje váikkuhit árgabeaivvis. 

• Váttis dahje spiehkasteaddji láhtten
• Maŋŋonan dahje eahpedábálaš ovdáneapmi
• Oahppanváttisvuođat
• Váivi/sierranasvuohta/lossamiella
• Ballu/suhttu
• Borranváttut
• Psykosaváttisvuođat/traumat
• Gárrenmirkogeavaheapmi

Mo oažžu veahki? 

Mánáid ja bearrašiid čujuhusa vuolggaha doavttir, psykologa dahje mánáidsuodjalus. Mánát ja nuorat geain lea váttis dilli sáhttet maiddái ieža váldit oktavuođa MNP:in. Dát guoská maiddái earáide geat vuorjašuvvet, ovdamearka dihte mánáidgárdebargit, váhnemat oahpaheaddjit. 

Mo čađahuvvo dikšu? 

Mánát ja nuorat geat čujuhuvvojit MNP:i ožžot ovddasvástideaddji terapeuta guhte kárte ja koordinere čielggadeami dárbbuid. Dávjá barget fágajoavkkut doaresfágalaččat. MNP fágajoavkkus leat psykologaspesialista, doavtterspesialista, klinihkalaš sosionoma ja klinihkalaš pedagoga. Dikšu čađahuvvo Kárášjogas dahje ovttasbarggu bokte ruovttubáikki veahkkeapparáhtain. 

Pasieanta ja terapeuta gávnnaheaba ovttas makkár mihttu galgá dikšui, man dávjá galgaba deaivvadit ja man guhká dikšu bistá. Pasieanta ja su hástalusat leat mearrideaddjin dán barggus. Dikšu sáhttá maid joatkit digitálalaččat. MNP dikšu lea nuvttá.