Hei, du må oppdatere nettleseren din for å kunne besøke oss.
Bilde av logo

Iskkadeapmi

MR av hodet

MR-iskosa vuolde veallat don magnehtaid alde, dan botta go MR-mašiidna ráhkada govaid rádiobáruiguin. MR-iskosis eai leat makkárge røntgensuotnjarat.

MR-iskkus oaivvis váldo jus váruhuvvo  vihki dahje roasmmohuvvamat, dahje dárkkistan dihte dihto vigiid oaivvis.

Iskkus sáhttá leat áigeguovdil čielggadit iešguđet lágan vigiid.  


Čujuhus ja árvvoštallan

Čujuhus čállo dávjjimusat buhcciidvieso doaktáriin dahje vuođđodearvvašvuođabálvalusain. Bátnedoaktárat sáhttet čujuhit MR,ii, ja kiropráktorat ja manuálaterapevtat sáhttet maid čujuhit MR,ii dákte -ja deahke vigiiguin/váttuiguin.   

Čujuhusas galget dát dieđut leat mielde 

  • sisa čuohpahuvvon metállat dahje elektronihkkat rupmašis
  • pacemaker  
  • sisa čuohpahuvvon bealljeapparáhtat
  • klipsa varrasuonain oaivvis  
  • metálla bihtá čalmmis 
  • pasieantta áhpeheapme/mánáid ládje
Jus pasieanttas lea dárbu dulkii, de ferte dan maid almmuhit, ja makkár giela pasieantta hupma/hállá.

Før

Magnehtafealtta dihte ferte čujuheaddji doavttir dieđihit čujuhusas jus dus lea: 

  • pacemaker
  • sisa čuohpahuvvon bealljeapparáhtat
  • klipsa varrasuonain oaivvis  
  • metálla bihtá čalmmis 
  • jus don leat áhpeheapme/mánáid ládje  
  • leat eará sisa čuohpahuvvon metállat ja elektronihkkat 
Iskanlistu: dáid ferte eret váldit ovdal iskosa:
  • Diimmuid, báŋku – ja kredihttakoarttaid. Magnehtafealtta sáhttá billistit daid. 
  • Metálla diŋggaid nugo čalbmelásiid, peannaid, čoavdagiid, vuoktanáluid ja čikŋahearvvaid/smykker. Daid sáhttá áhpparáhttá garra leavttuin gaikkihit alcces. 
  • Bealljeáhpparahtá. Magnehtafealtta sáhttá čuohcat daidda.
  • Luovos bániid. Dat sáhttet heađuštit govaid ja ferte eret váldit jus galgá iskat oaivvi/čeabet bokte. 
Dálkasiid maid geavahat/anát sáhtát váldit nu go dábálaččat lávet. 

MR – iskkus ja ivdneávnnas/kontrástaávnnas  

Muhtomin mii šaddat bidjat ivdne-/kontrástaávdnasa varrasutnii. Dalle bidjat seakka plastihkkarevre (venekanyle) du varrasutnii. Jus šaddá dárbu bidjat ivdne-/kontrástajuhkosa iskkadeami oktavuođas, de lea muhttimin dárbu čielggadit varraiskosiin movt monimažžat doibmet. Jus dat guoská dutnje de čuožžu dat du sisagohččunreivves. Lea hárve go MR – kontrásta/ivdneávnnas addá liigeváikkuhusaid nugo allergiija sullasaš reakšuvnnaid.  

Lea go dus klaustrofobi/balat go baskkes sajiin leat?

Jus don veaháš balat baskkes sajiin leat/lea klaustrofobi, de dattege eanaš olbmot sáhttet čađahit iskosa. Don berret ossodagain váldit oktavuođa ovdal iskosa jus balat dat šaddá váttisvuohtan dutnje. Mis leat máŋggalágán vuogit movt sáhttit veahkehit du. Jus dus lea bávččas go veallát ja/dahje dárbbašat veahki vuoiŋŋastit, fertet sihtat iežat doaktáris dálkasiid bákčasiid vuostá ja/dahje vuoiŋŋastan dálkasiid ovdal iskosa. 

Njamaheapmi 

Ivdnejugus/kontrástaávnnas manná dušše unnánaš čižžemielkái, ja don sáhtát váldit MR vaikko leat áhpeheapme/mánáid ládje

Under

Iskosa vuolde veallát don beaŋkka alde mii jođihuvvo jorbalágaš mašiinna sisa mii lea rabaš goappašat bealde. Don jođihuvvot sisa oaivve - dahje julggiidbeale, dat vuolgá das goappá beale galget iskat. Dan oasi maid mii galgat iskat galgá juste guovdu magnehtafealta. Oaive- MR iskosa vuolde bidjo oaivi ovtta málle sisa man siste oaidná olggos. dat lea áibbas dárbbašlaš go galgá MR-govaid sáhttit ráhkadit.

Lea hui deaŧalaš ahte veallát áibbas jaska vuoi govat šaddet buorit. 

Dalle go govat váldojit gulle dearpanjietna. Don oažžut bealljebunci - /náhpola dahje bealljesuojana mii váiduda dearpanjiena, dahje sáhtát guldalit musihka.   

Iskkus bistá sullii 15 minuhtas 60 minuhta rádjái, vuolgá das makkár iskosa doavttir lea diŋgon. Don oaččut lagabui dieđuid bargiin go boađat ossodahkii. 

Dan botta go govat váldojit mannet bargit olggos dan lanjas. Sii oidnet láse čađa. Don oažžut alárbma gihtii vuoi beasat váldit oktavuođa bargiiguin. Sii sáhttet hupmat duinna mikrofuvnna čađa, ja sáhttet maid boahtit lanjai gos don veallát. 
Jus orut dárbbašeame oapmahačča mielde sáhttá son čohkkát nu luhtte iskosa vuolde. MR- dárkkistanlisttu guoská maid oapmahaččaide geat galget mielde lanjas.  

Lea go bávččas? 

Ieš alddis iskkus ii leat bávččas, muhto sáhttá leat váttis veallát áibbas jaska. Danin lea deaŧalaš gávnnahit mo lea vuohkkaseamos veallát. Don oažžut guottáid dahje earálágan doarjagiid vuoi nagodat jaska veallát. 

Don sáhtát báhkkanit iskosa vuolde. Dat ii leat bávččas iige várálaš. Dat dovdu manná badjel go iskkus lea nohkan. 

 




Etter

Jus leat sisačálihuvvon buhcciidvissui boađat fas ruovttoluotta ossodahkii. Jus leat ožžon ivdneávdnasa/kontrástaávdnasa fertet vuordit 30 minuhta. Muđuid sáhtát vuolgit njuolga ruoktot go leat geargan. Jus leat ožžon jaskkodahtten/vuoiŋŋastan dálkasiid de it berre ieš vuodjit biillain. 

Bohtosat iskosiin 

Radiologa (oaivedoavttir) dutká govaid ja čállá raporta mii govain oidno. Raporta sáddejuvvo čujuheaddji doaktárii. Govat ja raporta vurkejuvvo min dihtorvuogádagaide. 

Oktavuohta

  • Oktavuohta Røntgen – radiologi, Hammerfest

    Boahtinbáiki

    Røntgen holder til i 2. etasje i fløy NØ
    En parkeringsplass foran en bygning

    Hammerfest sykehus

    Sykehusveien 35

    9601 Hammerfest

    Finn frem

    Fievrrideapmi

    ​Busse johtá gaskal buohcciviesu váldouvssa ja Hámmarfeastta leaktofanaskáija gávpotguovddážis, dat korrespondere VargsundXpressen:in mii johtá ovdan ruoktut Áltái vuossárggas bearjadahkii.
    Joavdá Hámmarfeastta buohccivissui sullii 08:40
    Vuolgga buohcciviesus dii. 16:15

    Vuordinsadji Fuglenes luoddaearru lea sullii 300 mehter buohcciviesus

    130 Bybuss Hammerfest
    (ii guoskka geassemánnu 20. b - borgemánnu 20. b)    130 Bybuss Hammerfest
    (geasset geassemánnu 20. b - borgemánnu 20. b)     132 Ringrute Strømsnes - Hammerfest - Forsøl

    Hámmarfeastta busseterminála lea Hámmarfeastta gávpotguovddážis, 2,5 kilomehtera Hámmarfeastta buohcciviesus eret.

    Hámmarfeastta leaktofanaskáija lea Hámmarfeastta gávpotguovddážis, 2,5 kilomehtera Hámmarfeastta buohcciviesus eret.

    Buohkat geat bisánit buohcciviesuguvlui galget parkeret galbejuvvon bisánansajiide.

    Haddi kr. 26,- jándoris – Tákstajoavku 8802

    Váldonjuolggadus leat ahte du mátki ovdan ruoktut dikšui gokčojuvvo hálbbimus ruvttosáhtuin.

    Eanet Finnmárkku Pasieantamátkkoštemiid birra

    Geavatlaš dieđut

    Pasieanttat gean lea šiehtadus dahje geat sisačálihuvvojit Davvi dearvvašvuođa buohcciviesuide/klnihkaide sáhttet oažžut davvisámegielat dulkka beaivválaččat gaskal dii. 08.00–22.00.

    Sámi dulkonbálvalus

    Lea kantiidna gurutbeale váldouvssa. Doppe fidnet oastit juoga borran láhkai ja dábálaš kioskagálvvuid. Doppe lea kaféabeavdi ja stuolut gosa sáhtát čohkkedit boradit, jugistit káfe dahje lohkat aviissaid. Doppe lea maid automáhta mas sáhttá oasttit borramuša ja juhkamuša go kantiidna ii leat rabas.

    Rahpanáiggit

    10:30 – 15:30   vuossárggas bearjadahkii

     Sjøkart

     

     

    Bilde av Karen Lorentzen

    Hámmarfeastta buohcciviesus lea iežas báhppa. Báhppabálvalus lea fálaldat pasieanttaide, oapmahaččaide ja bargiide. Buohcciviessobáhpa namma lea Karen Lorentzen. Buohcciviesus lea maiddá šiehtadus gávpoga báhpaiguin. Sii sáhttet gohččojuvvot bálvalusaide maiguin ii sáhte vuordi, go buohcciviessobáhppa ii leat buohcciviesus.

    Ságastallan

    Buozalmasvuohta ja eahpesihkkarvuohta dearvvašvuođa ja iežas boahtteáiggi dáfus guoskkaha čiekŋalis ja vuđolaš eallinárvvuid mis. Ii leat eaktun ahte galgá leat ovttaoaivilis girku oskuin deaivvadan dihte báhpain. Ságastallama vuolggasadji sáhttá leat ahte don dárbbašat soapmása guhte sáhttá guldalit, go don leat váttis eallindilis, go háliidat juogadit áššiid mat dus leat váimmu lahka. Báhppa galgá diktit ságastallama ovdánit ságastallanguoimmi eavttuid mielde. Báhpas lea jávohisvuođageasku, ja ságastallan ii muitaluvvo viidásat geasage, iige čállo journálaide.

    Pasieanttat guđet gullet eará oskkuide dahje eallinoainnuide go Norgga Girku galget oažžut oktavuođa iežaset servodagain go sii dan dáhttot.
    Báhppabálvalus sáhttá veahkehit gaskkustit oktavuođa.

    Sáhttá váldit oktavuođa buohcciviessobáhpain telefovnna bokte, tlf  78 96 92 02​ / 911 82 776

    Eanet buohcciviessobáhpa birra

    Du kan koble deg på trådløst nettverk på alle Finnmarkssykehusets behandlingssteder.

    Nettverksnavn: HN-GJEST

    Du trenger ikke oppgi passord

     

    Siskkimuččas boradanlanjas gávnnat vuordinlanja gos leat vuogas stuolut, doppe sáhtát vuoiŋŋastit dan bottago vuorddát beassát dikšui ja iskkadeapmái, dahje go vuorddát sáhtu.

  • Oktavuohta Røntgen – radiologiija, Girkonjárga

    Girkonjárgga buohcciviessu

    Skytterhusveien 2

    9900 Kirkenes

    Oza

    Geavatlaš dieđut

    Pasieanttat gean lea šiehtadus dahje geat sisačálihuvvojit Davvi dearvvašvuođa buohcciviesuide/klnihkaide sáhttet oažžut davvisámegielat dulkka beaivválaččat gaskal dii. 08.00–22.00.

    Sámi dulkonbálvalus

  • Oktavuohta Røntgen

    Áltá Klinihkka

    Markveien 31

    9510 Alta

    Oza

    Geavatlaš dieđut

    Pasieanttat gean lea šiehtadus dahje geat sisačálihuvvojit Davvi dearvvašvuođa buohcciviesuide/klnihkaide sáhttet oažžut davvisámegielat dulkka beaivválaččat gaskal dii. 08.00–22.00.

    Sámi dulkonbálvalus