Bearašovttadat, Kárášjohka

Bearašovttadat addá fálaldaga buot bearrašiidda geain leat váttisvuođat čadnon ovttasdoaibmamiin.

Bilde av familieenheten i Karasjok — Bearašovttadat, Kárášjohka

Bearašovttadat lea fálaldat bearrašiidda main ovtta dahje eanet mánáin leat dovdduide čadnon ja/dahje láhttenváttut, ja go leat váttisvuođat čadnon bearraša ovttadoaibmamii.

Mot oaččut veahki

MNP, ovttasráđiid váhnemiiguin, čujuha Bearašovttadahkii (geahča čujuhanbagadusa). Fálaldat lea áigeguovdil go MNP poliklinalaš doaimmat eai leat mielddisbuktán sávahahtti rievdadusa, ja go lagas čuovvoleapmi ja bargu bearašdiliin adnojuvvo dárbbašlažžan.

Ovdal go álgá dikšui, de mii váldit oktavuođa čujuheddjiin, váhnemiiguin, ruovttuskuvllain ja vejolaš eará guoskevaš instánssaiguin, vai sáhttit lonohallat dieđuid.

Mot dikšun dáhpáhuvvá

Mii heivehit dikšunplána juohke bearrašii, ja visot dáhpáhuvvá ovttasráđiid bearrašiin. Min bargovuohki lea beaivválaš váhnenčoahkkimat, ságastallamat váhnemiiguin ja mánáiguin, individuála ságastallamat, ja vejolaččat viiddiduvvon bearaščoahkkimat (omd. áhkuiguin ja ádjáiguin). Dasa lassin bovdejuvvo bearaš mielde Meahcceterapiijai, golmma beaivásaš meahccemátkái. Min mielas lea dehálaš ahte olbmuid iežaset ipmárdus, vásáhusat ja máhttu leat guovddážis. Bearašovttadagas leat bearašterapevttat, mánáid- ja nuoraidpsykiáhter, psykologa ja psykologiijaspesialista.

Dikšunáigodat lea njeallje vahku, ja orrunáigge ássá bearaš ásodagas mas leat buot dárbbašlaš gálvvut ja reaiddut. Váhnemiin geat leat barggus lea vuoigatvuohta oažžut NAV:s "oahpporuđaid go mánná lea sisačálihuvvon dohkkehuvvon dearvvašvuođaásahussii". Bearašovttadat veahkeha ovddasteddjiid dáinna ohcamušain.

Ovttadagas lea sierra skuvla skuvlageatnegahttojuvvon ahkásaččaide. Skuvlla erenoamášpedagogalaš bargit barget ovttas dikšobargiiguin ja sis lea lagas oktavuohta oahpaheddjiiguin mánáid ruovttuskuvllain.

Orrunáiggi maŋŋel čuovvula MNP ja vejolaččat eará veahkkeinstánssat bearraša.

Det er BUP, i samråd med foreldrene, som henviser til Familieenheten. Henvisningene blir vurdert på inntaksmøte og brev om vedtak sendes fortløpende. Når saken vurderes som aktuell tar Familieenheten kontakt for å avtale formøte. Etter oppholdet følges familien opp av BUP og eventuelt andre hjelpeinstanser.

Henvisninger sendes:

SANKS Karasjok
v/BUP
Postboks 4
9735 KARASJOK

Henvisningsveiledning til familieenheten Karasjok

Elektroniske henvisninger utenfor Helse Nord:

Henvisninger kan sendes elektronisk til SANKS gjennom NHN Adresseregister.
Bruk henvisningssted: Finnmarkssykehuset HF,- og så den enheten det skal henvises til: Psykisk helsevern for barn og unge (BUP).

Tilbudet ved Familieenheten er aktuelt når polikliniske tiltak innen BUP ikke har ført til ønsket endring, og der tettere oppfølging og arbeid med relasjoner i familien anses som nødvendig.

Behandlingsteamet er sammensatt av psykologspesialist/psykolog og familieterapeuter.