SÁNAG dutkan- ja ovdánahttinruđat 2024
Sámi našuvnnalaš gealbobálvalus –psyhkalaš dearvvašvuođasuddjen ja gárrendilledivššu (SÁNAG) dutkan ja ovdánahttin stivra (DjO) juohká gitta 2 milj. ruvnnu rádjai jahkásaččat dutkamiidda ja ovdánahttinprošeavttaide. Ulbmil ruđain lea doarjut prošeavttaid mat dábuhit ođđa máhtu ja vugiid psyhkalaš dearvvašvuođas, gárrendilis ja sorjjasvuođas sámi álbmogii Norggas.
SÁNAG:s leat muhtin váldosuorggit mat vuoruhuvvojit go juolludat dutkan ja ovdánahttinruđaid, dat leat čuovvovaččat.
Fuomáš: Čuoggáid ortnetvuorus ii leat mearkkašupmi, buot čuoggáin lea seamma vuoruhus.
Sámi álbmotdearvvašvuohta
- Iešsoardineastadeapmi / iešgoddineastadeapmi
- Dearvvašvuođaovddideaddji ja/dahje eastadeaddji dagaldagat psyhkalaš dearvvašvuođa, gárrendili ja sorjavašvuođa oktavuođas
- Dearvvašvuođaovddideaddji ja/dahje eastadeaddji doaimmat psyhkalaš dearvvašvuođa, gárrendili ja sorjavašvuođa oktavuođas
- Mánáid, nuoraid ja nuorra ollesolbmuid bajásšaddan ja/dahje eallindilli psyhkalaš dearvvašvuođa, gárrendili ja sorjavašvuođa ektui
Sosiála ja kultuvrralaš riska- ja suodjalusfáktorat mat leat čadnon psyhkalaš dearvvašvuhtii, gárrendillái ja sorjjasvuhtii
- Traumat
- Illasteapmi, veahkaválddálašvuohta ja fuolahisvuohta
- Nállevealaheapmi ja vealaheapmi
- Vealaheapmi
- Bearašfierpmádat ja báikegoddi
- Etnalaš identitehtaovdáneapmi
Dearvvašvuođabálvalusat heivehuvvon sápmelaččaide
- Sámi geavaheaddjiváikkuheapmi dearvvašvuođabálvalusain
- E-dearvvašvuohta/digitála dearvvašvuođafálaldagat
- Klinihkalaš oahput psyhkalaš dearvvašvuođa, gárrendili ja sorjavašvuođa oktavuođas
- Dearvvašvuođabálvalusovdáneapmi
- Ovttasdoaibman
Prošeavttat main lea earenoamážit lulli- ja julevsámi psyhkalaš dearvvašvuohta, gárrendilli ja sorjjasvuohta guovddážis
Ohcan galgá leat sáddejuvvon elektrovnnalaččat ovdal golggotmánu 31. beaivvi 2023 dii. 12:00.
Vuolláičállojuvvon ohcanskovvi oktan mildosiiguin sáddejuvvo elektrovnnalaččat golmma pdf-fiilan (ohcanskovvi, protokolla/prošeaktačilgehus ja eará mildosat) dán čujuhussii: SANKS-FoU-soknader@finnmarkssykehuset.no
Ohccit fertejit geavahit sierra ohcanskovi gávdnamis elektrovnnalaččat min neahttasiiddus www.sanks.no DjO- ovttadaga siiddu vuolde. Lea dehálaš ahte ohccit oahpásmuvvet dokumeanttain: “Ohcanbagadus 2024 SÁNAG dutkan- ja ovdánahttinruđat".
SÁNAG DjO- stivra gieđahallá ohcamiid. Ohcamat árvvoštallojit kvaliteahta ja áššái guoskevašvuođa ektui. Ohcamat mat áigemeari maŋŋá bohtet ja ohcamat mat eai deavdde formálalaš gáibádusaid eai gieđahallojuvvo.
Jus leat gažaldagat, de sáddes e-boasta
SÁNAG DjO-ovttadahkii: SANKS-FoU@finnmarkssykehuset.no
dahje
SÁNAG DjO Ráddeađđi Shiho Hansen
T 78 96 97 94| M 90 12 13 52 | Shiho.Hansen@finnmarkssykehuset.no