Hei, du må oppdatere nettleseren din for å kunne besøke oss.

Psyhkalaš dearvvašvuođa ja sorjjasvuođa jándorovttadat

Jándorovttagas fállat divššu ja čuovvoleami rávisolbmuide geat rahčet psyhkalaš váttuid, gárrenmirkkuid dahje eará sorjjasvuođahástalusaid dihte.

Psyhkalaš dearvvašvuođa jándorovttadat fállá čielggadeami ja divššu rávisolbmuide. Ovttadat lea oassin SÁNAG:s, ja mis lea našuvnnalaš ovddasvástádus sápmelaččaide fállat divššu. Mis lea maid erenomáš ovddasvástádus sisaváldingielddaide: Guovdageaidnu, Kárášjohka, Porsáŋgu, Davvesiida ja Gáŋgaviika.

Mii fállat divššu váttuide dego:

  • Ballu
  • Lossamiella
  • Persovnnalašvuođa spiehkasteamit
  • Psykosat
  • Darvánanváttisvuođat

Dikšoáigodat bistá gaskal ovtta ja njeallje vahkku, muhto dikšoáiggis dahkko individuálalaš árvvoštallan.

Birasterapiija, mii geavahuvvo, sisttisdoallá kulturdiđolaš perspektiiva.

Buot divššodeamit heivehuvvojit sihke pasieanttaide ja joavkkuide, ja dikšumis deattuhat giela, kultuvrra, lihkadeami ja iešbirgema.

Čujuheami vuolggaha doavttir dahje psykologa.

 

Sorjjasvuođa jándorovttadat fállá čielggadeami ja divššu rávisolbmuide geain leat gárrendille- ja sorjjasvuođaváttisvuođat. Ovttadat lea oassi SÁNAG:s ja mis lea našuvnnalaš ovddasvástádus sápmelaččaide fállát divššu.

Dikšu lea eaktodáhtolaš. Mis leat maid pasieanttat geat leat dubmehallan čohkkát giddagasas §12 vuođul.

Mii fállat divššu dáid váttuide:

  • Jugešvuohta
  • Narkotihka
  • Dálkasat
  • Seahkalas boasttugeavaheapmi
  • Speallandarváneapmi

Divššus deattuhat birasterapiija mas lea kulturdiđolaš perspektiiva. Sihke individuála- ja joavkodikšu heivehuvvo ovttaskas pasientii ja divššus deattuhat movttiidahtti ságastallamiid, mentálavuođđuduvvon terapiija, kognitiivaterapiija, lihkadeami ja iešbirgema.

Doavttir, NAV, gárrendillekonsuleantta, mánáidsuodjalus, spesialistadearvvašvuođa- ja giddagasdearvvašvuođabálvalus vuolggahit čujuheami.

Čujuheapmi sáddejuvvo: Gárrendille árvvoštallanjovkui, Finnmárkku buohccevissui.

Oktavuohta

Telefovdna

Boastačujuhus

Finnmarkssykehuset HF

Døgnenheten psykisk helsevern og rus

Sykehusveien 35

9601 Hammerfest

E-boastta

sanks-postmottak@finnmarkssykehuset.no

Ná deaivvat gosa galggat

Sámi Klinihkka - Ávjovárgeaidnu

Ávjovárgeaidnu 182

9730 Karasjok

Oza

​Pasieanttaide ja gussiide lea nuvttá guođđit biilla guođáhahkii mii lea dearvvašvuođaguovddáža olggobealde.

Eanaš bussebisánansajit Kárášjogas leat Kárášjoga guovddážis. Dan rájes lea sullii 2,5 - 3 km vázzit spesialistadoavtterguovddážii.

Geavat Snelandina mátkeplánejeaddji vai oainnat ođasmahttojuvvon busseaiggiid ja guoskevaš bisánanbáikkiid.

 

Váldonjuolggadusa mielde gokčojuvvo pasieantamátki dikšobáikái hálbbimus ruvttosáhtuin.

Eanet Finnmárkku Pasieantamátkkoštemiid birra

Geavatlaš dieđut

​Dearvvašvuođaguovddáš lea guovdu Kárášjoga márkanbáikki, doppe lea kioska, buvddat ja apotehka.

​Mis leat sámegielat bargit. Dulka sáhttá skáhppojuvvot go lea dárbu.

Jus don háliidat hállat davvisámegiela divššu dahje iskkadeami oktavuođas, de mii geavahat áinnas iežamet sámegielat dulkka. Eambbo dieđuid gávnnat dáppe: dulkonbálvalus

​Pasieanttaide ja oapmahaččaide lea vuordinlatnja resepšuvnna buohta 2. gearddis.