MNP Kárášjohka (Mánáid- ja nuoraidpsykiátralaš poliklinihkka)

Suhkosat SÁNAGa olggobealde Kárášjogas.

MNP lea dearvvašvuođafálaldat mánáide ja nuoraide geain leat váttisvuođat mat sáhttet dagahit ahte sii eai loavtte ja/dahje váttisvuođaid árgabeaivvis. Dat sáhttá leat:

• Váttis- dahje spiehkasteaddjiláhtten
• Ovdáneapmi mii lea maŋŋonan dahje mii lea čalbmáičuohcci
• Oahppanváttisvuođat
• Šlundivuohta/isolašuvdna/deprešuvdna
• Garra ballu, suhttu/aggrešuvdna
• Psykosaproblematihkka/ traumat
• Gárrenávnnasgeavaheapmi

Mot oaččut veahki?

Mánát ja sin bearrašat geat dárbbašit veahki, sáhttet oažžut čujuhusa doaktáris, psykologas dahje mánáidsuodjalusbálvalusas. Mánát ja nuorat geat vásihit ahte sis leat váttisvuođat, sáhttet ieža váldit njuolga oktavuođa MNP:in.  Dan sáhttet maid earát geat leat fuolastuvvon mánáid geažil: omd. mánáidgárdebargit, váhnemat, oahpaheaddjit.

Mot dikšun dáhpáhuvvá

Mánát ja nuorat geat čujuhuvvojit MNP:i ožžot ovddasvástideaddji terapevtta gii kárte ja koordinere čielggadan dárbbu dan váttisvuođačilgehusa vuođul masa ohcet dearvvašvuođaveahki. Dávjá barget fágajoavkkut ovttas. Fágajoavkkut mat barget MNP:s leat psykologaspesialista, doavtterspesialista, klinihkalaš sosionoma ja klinihkalaš pedagoga. Divššu sáhttá oažžut Kárášjoga MNP:s dahje ovttas ruovttubáikki veahkkebálvalusain. Pasieanta galgá ovttas terapevttain šiehtadit makkár mihtut galget dikšui,  man dávjá galgá deaivvadit terapevttain ja man guhká fálaldat galgá bistit. Dat vuolgá das makkár váttisvuohta lea ja pasieanttas. Dikšuma sáhttá maid dávjá joatkit ruovttus jiena/gova bokte. Lea nuvttá oažžut veahki BUP:s.