SÁNAG

Sámi našuvnnalaš gealbobálvalus – psyhkalaš dearvvašvuođasuddjen ja gárrendilli - Mii leat dás du várás. SÁNAG fállá guorahallama ja divššu mánáide, nuoraide ja rávisolbmuide psyhkalaš dearvvašvuođa- ja gárrendille/sorjjasvuođadivššus. SÁNAG:s leat maid našuvnnalaš gealbobálvalusdoaimmat ja ulbmil lea sápmelaččaide oččodit ovttaárvosaš fálaldaga psyhkalaš dearvvašvuođa- ja gárrendille/sorjjasvuođadivššus.

Dárbbašat go soapmásin hupmat?

SÁNAG fállá ságastallamiid mánáide, nuoraide ja rávisolbmuide geain leat hástalusat eallimis ja rahčet psyhkalaččat.

Váldde oktavuođa telefovnna bokte.
Mánát ja nuorat: 78 96 74 20
Rávisolbmot: 78 96 74 30

Loga eambbo:

Sámi dulkonbálvalus

Pasieanttat geain lea šiehtadus dahje geat sisačálihuvvojit Finnmárkku buohccevissui, Nordlándda buohccevissui, Helgelándda buohccevissui dahje Davvi-Norgga universitehtabuohcceviesu ossodagaide, sáhttet oažžut davvisámegielat dulkka beaivválaččat gaskal dii. 08.00–22.00.

Sámi dulkonbálvalus

Sádde jearaldaga ovttasbarggu dahje gelbbolašvuođaloktema birra

SÁNAG fállá gelbbolašvuođabálvalusaid sápmelaččaid psyhkalaš dearvvašvuođa ja gárrenmirkkogeavaheami/sorjjasvuođa birra. Sámi historjá, árbevierut, giella- ja kulturáddejupmi leat vuođđun go oahpahit sámi pasieantta deaivvadeami birra.

SÁNAG gealbobálvalus