Ketil Lenert Hansen, PhD UiT Norgga árktalaš universitehta dearvvašvuođadieđa fakultehta ja Davvi regionála mánáid ja nuoraid psyhkalaš dearvvašvuođa ja mánáidsuodjalusa máhttoguovddáža professor.
Prošeavttat mat nannejit ipmárdusa historjjálaš ja servodatlaš diliid birra mat váikkuhit psyhkalaš dearvvašvuhtii ja sorjjasvuhtii.
Fáttáid ovdamearkkat: duohtavuohta ja seanadeapmi, internáhttaeallin, historjjálaš traumat, rasisma ja vealaheapmi, boazodoallu ja birgenláhki ja čearddalaš identitehtaovddideapmi.
Veahkaválddálašvuohta, illasteapmi ja fuolahus
Prošeavttat mat nannejit máhtu veahkaválddi, illasteami ja fuolahusváillálašvuođa birra, sihke suodjalus- ja riskaeavttuid birra bearrašiin, lagaš birrasiin ja báikegottiin.
Fáttáid ovdamearkkat: Veahkaválddálašvuohta ja illasteapmi, fuolahusváillálašvuohta, mánáid ja nuoraid bajásšaddan, bearaš- ja fierpmádatoktavuođat.
Álbmotdearvvašvuohta ja eastadeapmi
Prošeavttat mat nannejit álbmotdearvvašvuođa ja leat mielde eastadeamen psyhkalaš dearvvašvuođa hástalusaid sámi álbmogis.
Fáttáid ovdamearkkat: bargonávcca bisuhan- ja eastadeaddji doaibmabijut, bajásšaddan- ja eallineavttut, iešsoardineastadeapmi ja bearraša ja báikkálaš servodaga mearkkašupmi.
Dearvvašvuođabálvalusovddideapmi ja klinihkalaš dutkan
Prošeavttat mat nannejit dearvvašvuođabálvalusaid ovddideami, dikšunvugiid ja vugiid mat leat heivehuvvon sámi gillii, kultuvrii ja kontekstii.
