SÁNAG fállá ságastallamiid mánáide ja nuoraide
Dárbbašat go hállat geainna nu?
Lea go dus lossa jurdagat dahje dovddut ja dárbbašat hállat geainna nu? Dalle sáhtát váldit oktavuođa SÁNAG, Sámi klinihkain.
Publisert 11.12.2020
Sist oppdatert 11.11.2022
Mánát ja nuorat sáhttet riŋget čuovvovaš nummarii: 78 96 74 20
Min olahat buot árgabeivviid gaskal 08:00-15:30.
SÁNAG:s lea sierra telefovdnafálaldat mánáide ja nuoraide geat rahčet psyhkalaččat. Fálaldat guoská mánáide ja nuoraide min sisaváldingielddain (Guovdageaidnu, Porsáŋgu, Deatnu, Unjárga, Kárášjohka, Donjevuotna ja Gáŋgaviika), ja maiddái sámi mánáide ja nuoraide olles riikkas.
Mii fállat ságastallamiid gova/jiena ja telefovnna bokte, mánáide ja nuoraide (gaskal 6 ja 18 jagi). Sámi našuvnnalaš gealbobálvalus – psyhkalaš dearvvašvuođasuddjen ja gárrendilledikšu fállá ságastallamiid davvisáme- ja dárogillii.
Váldde oktavuođa SÁNAG, Sámi klinihkain ja muital du nama ja telefonnummara, dasto váldá fágaolmmoš oktavuođa duinna. Lea vejolaš oažžut 2-3 čuovvulanságastallamiid, čujuhusa haga.