Ain vejolaš ohcat dutkanruđaid
Sámi našuvnnalaš gealbobálvalusa DjO-stivra - psyhkalaš dearvvašvuođasuddjen ja gárrendilledikšu (SÁNAG) juolluda gitta 2 mill. ruvnno rádjai jahkásaččat. Ruđat dutkan- ja ovddidanprošeavttaide, maid ulbmil lea háhkat ođđa máhtu ja vugiid psykalaš dearvvašvuođa, gárrenmirkkuid ja sorjjasvuođa birra sámi álbmogii Norggas.
Ohcanáigemearri lea ođđajagimánnu 31. beaivve 2025 dii. 12:00.
Ohccit fertejit geavahit sierra ohcanskovi. Ohcci berret vuđolaččat geahčadit ohcanbagadusa mas gávnnat dieđuid makkár formálalaš gáibádusat ohcamii leat ja makkár ohcaneavttut leat.
Ohcanskovvi vuolláičállagiiguin ja mildosiiguin golmma PDF-fiillas (1. ohcanskovvi, 2. protokolla/prošeaktačilgehus ja 3. eará mildosat) sáddejuvvo dása:
SANKS-FoU-soknader@finnmarkssykehuset.no
SÁNAG DjO-stivra meannuda ohcamiid. Ohcamat árvvoštallojuvvojit kvalitehta ja relevánssa vuođul. Ohcamat mat leat boahtán maŋŋá ohcanáigemeari ja ohcamat mat eai deavdde formálalaš gáibádusaid, eai meannuduvvo.
2025 juolludeami bajimus láidestusat
SÁNAG:s leat čuovvovaš váldosuorggit dutkan- ja ovddidanruđaid juolludeami vuoruheamis, ja háliidit ahte prošeavttat galget nu bures go vejolaš speadjalastit iešguđet sámi guovlluid viidodaga ja girjáivuođa. Mii háliidit prošeavttaid main lea fokus lulli-, julev- ja mearrasámi diliide buot vuoruhansurggiin.
Fuomáš: Čuoggát leat biddjon sahtedohko ja dain lea seamma vuoruheapmi.
Dearvvašvuhtii guoski rasttideaddji prošeavttat sámi álbmogis
- Duohtavuohta- ja seanadeapmi
- Boazodoallu
- Rasisma, vealaheapmi ja/dahje sámevašši
- Internáhttaeallin
- Traumat ja/dahje historjjálaš traumat
- Veahkaválddálašvuohta, vearredagut ja fuolahusváillálašvuohta
- Bearašfierpmádat ja báikegottit
- Čearddalaš identitehtaovddideapmi
Álbmotdearvvašvuođa- ja dearvvašvuođabálvalusaid ovddidanprošeavttat heivehuvvon sámi álbmogii
- Dearvvašvuođa ovddideaddji ja/dahje eastadeaddji bealit ja doaimmat
- Mánáid, nuoraid ja rávisolbmuid bajásšaddan ja/dahje eallindilli
- Klinihkalaš dutkamat
- Sámi geavaheaddjiváikkuheapmi dearvvašvuođabálvalusain
- E-dearvvašvuohta/digitála dearvvašvuođafálaldagat
- Iešsoardineastadeapmi
- Ovttasdoaibman
Ovttasbargu SÁNAG:in
SÁNAG:s galgá unnimusat okta rolla prošeavttain maidda juolluduvvo ruhta:
Ovttasbargoguoibmi - Bagadalli/veahkkebagadalli - Prošeaktamielbargi - Prošeaktajođiheaddji - Prošeaktaeaiggát
Fuomáš! SÁNAG dáhtu gulahallama prošeavtta birra ovdal maŋŋebárgga juovlamánu 31. beaivvi 2024 vai sáhttit plánegoahtit ovttasbarggu.
Jus leat gažaldagat, de sáddes e-boasta:
SÁNAG DjO-ovttadahkii: SANKS-FoU@finnmarkssykehuset.no
dahje
SÁNAG DjO Ráddeađđi Shiho Hansen
T 78 96 97 94| M 90 12 13 52 | Shiho.Hansen@finnmarkssykehuset.no