Fálaldat oažžut psyhkalaš dearvvašvuođaveahki Fosen-akšuvnna geažil
Dearvvašvuođabargit SANKS`as leat Oslo-guovllus, ja sáhttet veahkehit akšunisttaid dahje earáid geain lea dárbu psyhkalaš dearvvašvuođaveahkkái.
Dat boahtá leat okta álgofálaldat gos don sáhtát oažžut ságastallama ovtta min terapevttain. Fálaldahkii ii gáibiduvvo makkárge čujuhus, muhto dat čállo journálačálus. Dan čállosa sáhttá sáddet du fástadoaktárii jus háliidat.
SANKS bargit bohtet leat olámuttos áigodagas gaskal dii. 10.00-20.00 gaskavahku 11.b golggotmánus, ja juohke beaivvi ovddos guvlui gitta akšuvdna lea loahpahuvvon. SANKS boahtá daidda guovlluide gos akšunisttat leat, muhto dat lea vejolaš šiehtadit eará deaivvadanbáikkiid dego min kantuvrras Storgata 8`s.
Akšuvnna oktavuođas de lea SANKS álggahan ovtta álgofálaldaga muđuige sámi álbmogii. Mánát ja nuorat sáhttet váldit oktavuođa minguin telefovnna bokte 78 96 74 20. Ollesolbmot ges riŋgejit 78 96 74 30 ja diŋgojit diimmu. Fálaldat bistá gitta 10.b juovlamánnui, gos de fas dahkko ođđa árvvoštallan.
Ruoŧa- ja Suomabeale sápmelaččat leat maid buresboahtin váldit minguin oktavuođa. Fálaldat leat vásedin daid miellačájehemiid dihte mat bohtet.
Oktavuohta
Váldde oktavuođa min mielbargiiguin Oslo-guovllus dahje riŋges min telefonguovddážii 78 96 74 30 jearramis álgofálaldaga.
Ságastallamiid sáhttit addit neahta/telefovnna bokte dahje fysalaččat Oslos. Mii geahččalit fállat ságastallamiid 14 beaivvi siste maŋŋel go mii leat ožžon čujuhusa.
Kontakt SANKS Oslo